பாடம்: 100. ‘அல்ஆதியாத்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (100:6ஆவது வசனத்தின் மூலத்திலுள்ள) ‘கநூத்’ எனும் சொல்லுக்கு ‘நன்றி கெட்டவன்’ என்பது பொருள். (100:4ஆவது வசனத்தின் மூலத்திலுள்ள) ‘ஃபஅஸர்ன பிஹி நக்ஆ’ எனும் வாக்கியத்திற்கு ‘அதனால் புழுதியைக் கிளப்புகின்றவற்றின் மீது சத்தியமாக’ என்று பொருள் எனக் கூறப்படுகிறது. (100:8ஆவது வசனத்தின் மூலத்திலுள்ள) ‘லி ஹுப்பில் கைரி ல ஷதீத்’ என்பதன் பொருளாவது: செல்வத்தை அவன் நேசிப்பதன் காரணத்தால் கருமியாக இருக்கிறான். கருமிக்கு ‘ஷதீத்’ எனச் சொல்லப்படுவதுண்டு. (100:10ஆவது வசனத்தின் மூலத்திலுள்ள) ‘ஹுஸ்ஸில’ எனும் சொல்லுக்கு ‘பகுத்து ஆயப்படும்’ என்று பொருள். பாடம்: 101. ‘அல்காரிஆ’ அத்தியாயம்1ஆ (101:4ஆவது வசனத்தின் மூலத்திலுள்ள) ‘கல்ஃபராஷில் மப்ஸƒஸ்’ எனும் தொடருக்கு ‘‘ஒன்றன் மீது ஒன்றாக வீழ்ந்துபோகும் திக்குத் தெரியாத வெட்டுக்கிளிகள் போல், (அந்நாளில்) மனிதர்கள் ஒருவரை ஒருவர் சுற்றி வருவர்” என்று பொருள். (101:5ஆவது வசனத்தின் மூலத்திலுள்ள) ‘கல்இஹ்ன்’ எனும் சொல்லுக்கு ‘பல்வேறு நிறங்களைக் கொண்ட பஞ்சுகள்போல’ என்று பொருள். (இந்த வசனத்தில்) அப்துல்லாஹ் பின் மஸ்ஊத் (ரலி) அவர்கள், (‘கல்இஹ்ன்’ எனுமிடத்தில்) ‘கஸ்ஸூஃப்’ (கம்பளியைப் போல) என்று ஓதியுள்ளார்கள். பாடம்: 102. ‘அத்தகாஸுர்’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) இப்னு அப்பாஸ் (ரலி) அவர்கள் கூறுகிறார்கள்: (102:1ஆவது வசனத்தின் மூலத்திலுள்ள) ‘அத்தகாஸுர்’ எனும் சொல்லுக்கு ‘வசதி வாய்ப்புகளையும் குழந்தை குட்டிகளையும் கூடுதலாகப் பெற வேண்டுமென்ற ஆசை’ என்று பொருள். பாடம்: 103. ‘அல்அஸ்ர்’ அத்தியாயம்1 யஹ்யா பின் ஸியாத் அல்ஃபர்ராஉ (ரஹ்) அவர்கள் கூறுகிறார்கள்:2 (103:1ஆவது வசனத்தின் மூலத்திலுள்ள) ‘வல்அஸ்ரி’ எனும் சொல்லில், இறைவன் காலத்தின் மீது சத்தியமிட்டுக் கூறுகின்றான். பாடம்: 104. ‘அல்ஹுமஸா’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) (104:4ஆவது வசனத்தின் மூலத்திலுள்ள) ‘அல்ஹுத்தமா’ என்பது, ‘சகர்’, ‘லழா’ ஆகியன போன்று நரகத்தின் பெயராகும். பாடம்: 105. ‘அல்ஃபீல்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (105:1ஆவது வசனத்தின் மூலத்திலுள்ள) ‘அலம் தர’ எனும் சொற்றொடருக்கு, ‘நீர் அறியவில்லையா?’ என்பது பொருள். (105:3ஆவது வசனத்தின் மூலத்திலுள்ள) ‘அபாபீல்’ எனும் சொல்லுக்கு ‘சாரை சாரையாக கூட்டங்கூட்டமாக’ என்று பொருள். இப்னு அப்பாஸ் (ரலி) அவர்கள் கூறுகிறார்கள்: (105:4ஆவது வசனத்தின் மூலத்திலுள்ள) ‘சிஜ்ஜீல்’ எனும் சொல், ‘சன்கி கில்’ எனும் (பாரசீகச்) சொல்லின் மருவலாகும். (பொருள்: களிமண் கற்கள்.) பாடம்: 106. ‘குறைஷ்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (106:1ஆவது வசனத்தின் மூலத்திலுள்ள) ‘லி ஈலாஃபி குறைஷ்’ (குறைஷியரைப் பழக்கப்படுத்துவதற்காக) என்பதன் கருத்தாவது: கோடை காலத்திலும் குளிர் காலத்திலும் (வணிகப்) பயணம் மேற்கொள்வதைக் குறைஷியர் பழக்கப்படுத்திக்கொண்டனர். ஆகவே, அது அவர்களுக்குச் சிரமம் அளிக்கவில்லை. (106:4ஆவது வசனத்தின் மூலத்திலுள்ள) ‘ஆமனஹும்’ (அவர்களுக்கு அபயமளித்தான்) எனும் சொல்லுக்கு புனித (ஹரம்) எல்லையில் எல்லா எதிரிகளின் அச்சத்திலிருந்தும் அவர்களுக்கு அபயமளித்தான்’ என்று பொருள். சுஃப்யான் பின் உயைனா (ரஹ்) அவர்கள் கூறுகிறார்கள்: (106:1ஆவது வசனத்தின் மூலத்திலுள்ள) ‘லி ஈலாஃபி குறைஷ்’ எனும் சொற்றொடருக்கு ‘குறைஷியருக்கு நான் அருள் புரிந்ததற்காக’ என்று பொருள். பாடம்: 107. ‘அல்மாஊன்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (107:2ஆவது வசனத்தின் மூலத்திலுள்ள) ‘யதுஃஉ’ எனும் சொல்லுக்கு ‘அவர்களின் உரிமையைத் தருவதில்லை’ என்று பொருள். இச்சொல் ‘தஅஉத்து (நான் மறுத்தேன்) எனும் (வினைச்)சொல்லிலிருந்து வந்ததாகும். (52:13ஆவது வசனத்தின் மூலத்திலுள்ள) ‘யுதஃஊன எனும் சொல்லுக்கு ‘விரட்டியடிக்கப்படுவர்’ என்று பொருள். (107:5ஆவது வசனத்தின் மூலத்திலுள்ள) ‘சாஹூன்’ எனும் சொல்லுக்கு ‘(அலட்சியத்தால்) பாழாக்குபவர்கள்’ என்று பொருள். (107:7ஆவது வசனத்தின் மூலத்திலுள்ள) ‘அல்மாஊன்’ எனும் சொல், நல்ல காரியங்கள் அனைத்தையும் குறிக்கும். அரபியரில் சிலர் ‘மாஊன்’ என்பதற்கு ‘தண்ணீர்’ என்று பொருள் எனக் கூறுகின்றனர். இக்ரிமா (ரஹ்) அவர்கள் கூறுகிறார்கள்: மாஊனில் உயர்ந்தது கடமையாக்கப்பட்ட ‘ஸகாத்’ ஆகும். அதில் மிகத் தாழ்ந்தது இரவல் (வழங்கப்படும் ஊசி போன்ற சிறு) பொருட்கள் ஆகும். பாடம்: 108. ‘அல்கவ்ஸர்’ அத்தியாயம்1ஆ பாடம்: 1 இப்னு அப்பாஸ் (ரலி) அவர்கள் கூறுகிறார்கள்: (108:3ஆவது வசனத்தின் மூலத்தி லுள்ள) ‘ஷானிஅக்க’ எனும் சொல்லுக்கு ‘உம்முடைய பகைவன்’ என்பது பொருள்.
4964. தாம் அழைத்துச் செல்லப்பட்ட விண்ணுலகப் பயணம் குறித்து நபி (ஸல்) அவர்கள் கூறினார்கள்:

நான் ஓர் ஆற்றின் அருகே சென்றேன். அதன் இருமருங்கிலும் துளையுள்ள முத்துக் கலசங்கள் காணப்பட்டன. அப்போது நான், ‘‘ஜிப்ரீலே, இது என்ன?” என்று கேட்டேன்.

‘‘இது அல்கவ்ஸர்” என்று ஜிப்ரீல் (அலை) அவர்கள் பதிலளித்தார்கள்.

இதை அனஸ் (ரலி) அவர்கள் அறிவிக்கிறார்கள்.


அத்தியாயம் : 65

பாடம்: 100. ‘அல்ஆதியாத்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (100:6ஆவது வசனத்தின் மூலத்திலுள்ள) ‘கநூத்’ எனும் சொல்லுக்கு ‘நன்றி கெட்டவன்’ என்பது பொருள். (100:4ஆவது வசனத்தின் மூலத்திலுள்ள) ‘ஃபஅஸர்ன பிஹி நக்ஆ’ எனும் வாக்கியத்திற்கு ‘அதனால் புழுதியைக் கிளப்புகின்றவற்றின் மீது சத்தியமாக’ என்று பொருள் எனக் கூறப்படுகிறது. (100:8ஆவது வசனத்தின் மூலத்திலுள்ள) ‘லி ஹுப்பில் கைரி ல ஷதீத்’ என்பதன் பொருளாவது: செல்வத்தை அவன் நேசிப்பதன் காரணத்தால் கருமியாக இருக்கிறான். கருமிக்கு ‘ஷதீத்’ எனச் சொல்லப்படுவதுண்டு. (100:10ஆவது வசனத்தின் மூலத்திலுள்ள) ‘ஹுஸ்ஸில’ எனும் சொல்லுக்கு ‘பகுத்து ஆயப்படும்’ என்று பொருள். பாடம்: 101. ‘அல்காரிஆ’ அத்தியாயம்1ஆ (101:4ஆவது வசனத்தின் மூலத்திலுள்ள) ‘கல்ஃபராஷில் மப்ஸƒஸ்’ எனும் தொடருக்கு ‘‘ஒன்றன் மீது ஒன்றாக வீழ்ந்துபோகும் திக்குத் தெரியாத வெட்டுக்கிளிகள் போல், (அந்நாளில்) மனிதர்கள் ஒருவரை ஒருவர் சுற்றி வருவர்” என்று பொருள். (101:5ஆவது வசனத்தின் மூலத்திலுள்ள) ‘கல்இஹ்ன்’ எனும் சொல்லுக்கு ‘பல்வேறு நிறங்களைக் கொண்ட பஞ்சுகள்போல’ என்று பொருள். (இந்த வசனத்தில்) அப்துல்லாஹ் பின் மஸ்ஊத் (ரலி) அவர்கள், (‘கல்இஹ்ன்’ எனுமிடத்தில்) ‘கஸ்ஸூஃப்’ (கம்பளியைப் போல) என்று ஓதியுள்ளார்கள். பாடம்: 102. ‘அத்தகாஸுர்’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) இப்னு அப்பாஸ் (ரலி) அவர்கள் கூறுகிறார்கள்: (102:1ஆவது வசனத்தின் மூலத்திலுள்ள) ‘அத்தகாஸுர்’ எனும் சொல்லுக்கு ‘வசதி வாய்ப்புகளையும் குழந்தை குட்டிகளையும் கூடுதலாகப் பெற வேண்டுமென்ற ஆசை’ என்று பொருள். பாடம்: 103. ‘அல்அஸ்ர்’ அத்தியாயம்1 யஹ்யா பின் ஸியாத் அல்ஃபர்ராஉ (ரஹ்) அவர்கள் கூறுகிறார்கள்:2 (103:1ஆவது வசனத்தின் மூலத்திலுள்ள) ‘வல்அஸ்ரி’ எனும் சொல்லில், இறைவன் காலத்தின் மீது சத்தியமிட்டுக் கூறுகின்றான். பாடம்: 104. ‘அல்ஹுமஸா’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) (104:4ஆவது வசனத்தின் மூலத்திலுள்ள) ‘அல்ஹுத்தமா’ என்பது, ‘சகர்’, ‘லழா’ ஆகியன போன்று நரகத்தின் பெயராகும். பாடம்: 105. ‘அல்ஃபீல்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (105:1ஆவது வசனத்தின் மூலத்திலுள்ள) ‘அலம் தர’ எனும் சொற்றொடருக்கு, ‘நீர் அறியவில்லையா?’ என்பது பொருள். (105:3ஆவது வசனத்தின் மூலத்திலுள்ள) ‘அபாபீல்’ எனும் சொல்லுக்கு ‘சாரை சாரையாக கூட்டங்கூட்டமாக’ என்று பொருள். இப்னு அப்பாஸ் (ரலி) அவர்கள் கூறுகிறார்கள்: (105:4ஆவது வசனத்தின் மூலத்திலுள்ள) ‘சிஜ்ஜீல்’ எனும் சொல், ‘சன்கி கில்’ எனும் (பாரசீகச்) சொல்லின் மருவலாகும். (பொருள்: களிமண் கற்கள்.) பாடம்: 106. ‘குறைஷ்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (106:1ஆவது வசனத்தின் மூலத்திலுள்ள) ‘லி ஈலாஃபி குறைஷ்’ (குறைஷியரைப் பழக்கப்படுத்துவதற்காக) என்பதன் கருத்தாவது: கோடை காலத்திலும் குளிர் காலத்திலும் (வணிகப்) பயணம் மேற்கொள்வதைக் குறைஷியர் பழக்கப்படுத்திக்கொண்டனர். ஆகவே, அது அவர்களுக்குச் சிரமம் அளிக்கவில்லை. (106:4ஆவது வசனத்தின் மூலத்திலுள்ள) ‘ஆமனஹும்’ (அவர்களுக்கு அபயமளித்தான்) எனும் சொல்லுக்கு புனித (ஹரம்) எல்லையில் எல்லா எதிரிகளின் அச்சத்திலிருந்தும் அவர்களுக்கு அபயமளித்தான்’ என்று பொருள். சுஃப்யான் பின் உயைனா (ரஹ்) அவர்கள் கூறுகிறார்கள்: (106:1ஆவது வசனத்தின் மூலத்திலுள்ள) ‘லி ஈலாஃபி குறைஷ்’ எனும் சொற்றொடருக்கு ‘குறைஷியருக்கு நான் அருள் புரிந்ததற்காக’ என்று பொருள். பாடம்: 107. ‘அல்மாஊன்’ அத்தியாயம்1 முஜாஹித் பின் ஜப்ர் (ரஹ்) அவர்கள் கூறுகிறார்கள்: (107:2ஆவது வசனத்தின் மூலத்திலுள்ள) ‘யதுஃஉ’ எனும் சொல்லுக்கு ‘அவர்களின் உரிமையைத் தருவதில்லை’ என்று பொருள். இச்சொல் ‘தஅஉத்து (நான் மறுத்தேன்) எனும் (வினைச்)சொல்லிலிருந்து வந்ததாகும். (52:13ஆவது வசனத்தின் மூலத்திலுள்ள) ‘யுதஃஊன எனும் சொல்லுக்கு ‘விரட்டியடிக்கப்படுவர்’ என்று பொருள். (107:5ஆவது வசனத்தின் மூலத்திலுள்ள) ‘சாஹூன்’ எனும் சொல்லுக்கு ‘(அலட்சியத்தால்) பாழாக்குபவர்கள்’ என்று பொருள். (107:7ஆவது வசனத்தின் மூலத்திலுள்ள) ‘அல்மாஊன்’ எனும் சொல், நல்ல காரியங்கள் அனைத்தையும் குறிக்கும். அரபியரில் சிலர் ‘மாஊன்’ என்பதற்கு ‘தண்ணீர்’ என்று பொருள் எனக் கூறுகின்றனர். இக்ரிமா (ரஹ்) அவர்கள் கூறுகிறார்கள்: மாஊனில் உயர்ந்தது கடமையாக்கப்பட்ட ‘ஸகாத்’ ஆகும். அதில் மிகத் தாழ்ந்தது இரவல் (வழங்கப்படும் ஊசி போன்ற சிறு) பொருட்கள் ஆகும். பாடம்: 108. ‘அல்கவ்ஸர்’ அத்தியாயம்1ஆ பாடம்: 1 இப்னு அப்பாஸ் (ரலி) அவர்கள் கூறுகிறார்கள்: (108:3ஆவது வசனத்தின் மூலத்தி லுள்ள) ‘ஷானிஅக்க’ எனும் சொல்லுக்கு ‘உம்முடைய பகைவன்’ என்பது பொருள்.
4966. சயீத் பின் ஜுபைர் (ரஹ்) அவர்கள் கூறியதாவது:

(108:1ஆவது வசனத்தில் இடம்பெற் றுள்ள) ‘அல்கவ்ஸர்’ தொடர்பாக இப்னு அப்பாஸ் (ரலி) அவர்கள் கூறுகையில், ‘‘அது நபி (ஸல்) அவர்களுக்கு அல்லாஹ் வழங்கியுள்ள (அனைத்து) நன்மைகளாகும்” எனத் தெரிவித்தார்கள்.

(அறிவிப்பாளர்களில், ஒருவரான) அபூபிஷ்ர் (ரஹ்) அவர்கள் கூறுகிறார் கள்:

நான் சயீத் பின் ஜுபைர் (ரஹ்) அவர்களிடம், ‘‘மக்கள் ‘அல்கவ்ஸர்’ என்பது சொர்க்கத்திலுள்ள நதி என்று கூறுகின்றனரே?” என்று கேட்டேன். அதற்கு அவர்கள், ‘‘நபி (ஸல்) அவர்களுக்கு அல்லாஹ் அருளிய (அளவற்ற) நன்மைகளில் சொர்க்கத்திலுள்ள அந்த நதியும் அடங்கும்” என்று கூறினார்கள்.

அத்தியாயம் : 65

பாடம்: 2
4968. ஆயிஷா (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் குர்ஆனின் (110ஆவது அத்தியாயத்தின்) கட்டளையைச் செயல்படுத்தும் முகமாக, தமது (தொழுகையின்) ருகூஉவிலும் சஜ்தாவிலும் அதிகமாக ‘சுப்ஹானக்க ரப்பனா வபி ஹம்திக்க, அல்லாஹும் மஃக்பிர் லீ’ (எங்கள் இறைவா! நீ தூயவன்; உன்னைப் போற்றுகின்றோம்; இறைவா! எனக்கு மன்னிப்பளிப்பாயாக!) என்று கூறிவந்தார்கள்.2

அத்தியாயம் : 65

பாடம்: 4 ‘‘உம்முடைய இறைவனைப் புகழ்ந்துகொண்டு அவனைத் துதிப்பீராக! மேலும், அவனிடம் பாவமன்னிப்புக் கோருவீராக! நிச்சயமாக அவன் பாவமன்னிப் பைப் பெரிதும் ஏற்பவனாக இருக் கின்றான்” எனும் (110:3ஆவது) இறைவசனம் (இவ்வசனத்தின் மூலத்திலுள்ள) ‘தவ்வாப்’ எனும் சொல்லுக்கு, ‘அடியார் களின் பாவமன்னிப்புக் கோரிக்கையை ஏற்பவன்’ என்பது பொருள். மக்களில் பாவமன்னிப்புக் கோருபவருக்கும் ‘தவ்வாப்’ என்று கூறப்படுவது உண்டு.
4970. இப்னு அப்பாஸ் (ரலி) அவர்கள் கூறியதாவது:

உமர் (ரலி) அவர்கள் பத்ர் போரில் கலந்துகொண்ட புண்ணியவான்களுடன் எனக்கும் (தம் அவையில்) இடமளித்து வந்தார்கள். ஆகவே, அவர்களில் சிலர் வருத்தமடைந்து, ‘‘எங்களுக்கு இவரைப் போன்ற (வயதில்) பிள்ளைகள் இருக்க, இவரை எங்களுடன் ஏன் அமரச் செய்கிறீர்கள்?” என்று கேட்டார்கள். அதற்கு உமர் (ரலி) அவர்கள், ‘‘அவர் நீங்கள் அறிந்துள்ள வகையில் (அருமை பெருமைகள் உடையவராக) இருக்கிறார் என்பதால்தான்” என்றார்கள்.

பின்னர் ஒருநாள் (எங்களை) உமர் (ரலி) அவர்கள் (தமது அவைக்கு) அழைத்தார்கள். அப்போதும் என்னை அவர்களுடன் அமரச் செய்தார்கள். அவர்களுக்கு (என் தகுதியை உணர்த்திக்) காட்டுவதற்காகவே அன்று என்னை அழைத்தார்கள் என்றே கருதினேன்.

(எனவே, அனைவரும் வந்ததும் அவர்களிடம்) உமர் (ரலி) அவர்கள், ‘‘அல்லாஹ்வின் உதவியும் வெற்றியும் வந்துவிட்டால்...” எனும் (110:1ஆவது) இறைவசனம் குறித்து நீங்கள் என்ன (விளக்கம்) கூறுகிறீர்கள்? என்று கேட்டார்கள். அதற்கு அவர்களில் சிலர், ‘‘நமக்கு உதவியும் வெற்றியும் அளிக்கப்படும்போது அல்லாஹ்வைப் புகழும்படியும் அவனிடம் பாவமன்னிப்புக் கோரும்படியும் நாம் பணிக்கப்பட்டுள்ளோம்” என்று (அவ்வசனத்திற்கு விளக்கம்) கூறினர். அவர்களில் இன்னும் சிலர் ஏதும் சொல்லாமல் அமைதியாயிருந்தனர்.

அப்போது உமர் (ரலி) அவர்கள் என்னிடம், ‘‘இப்னு அப்பாஸே! நீங்களும் இவ்வாறுதான் கூறுகிறீர்களா?” எனக் கேட்டார்கள். நான், ‘இல்லை’ என்றேன். ‘‘அவ்வாறாயின், நீங்கள் என்ன கூறுகின்றீர்கள்?” என்று கேட்டார்கள். நான், ‘‘அது அல்லாஹ்வின் தூதர் (ஸல்) அவர்களுக்கு அவர்களது ஆயுட்காலம் (முடிந்துவிட்டதைக்) குறித்து (முன்)அறிவிப்புச் செய்ததாகும். ‘இறைவனின் உதவியும் வெற்றியும் வந்துவிட்டால்...’ அதாவது இது, உங்களின் ஆயுட்காலம் (முடிந்துவிட்டது) பற்றிய அறிகுறியாகும். எனவே, உங்களுடைய இறைவனைப் புகழ்ந்து, அவனது தூய்மையை எடுத்துரைத்து, அவனிடம் பாவமன்னிப்புக் கோருங்கள். அவன் பாவமன்னிப்பை ஏற்றுக்கொள்பவன் ஆவான் (என்பதே இதன் விளக்கமாகும்)” என்று பதிலளித்தேன்.

அப்போது உமர் (ரலி) அவர்கள், ‘‘நீங்கள் கூறுகின்ற விளக்கத்தையே இ(ந்த அத்தியாயத்)திலிருந்து நானும் அறிகின்றேன்” என்று சொன்னார்கள்.4

111. ‘அல்லஹப்’ அத்தியாயம்1

(அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...)

(111:1ஆவது வசனத்தின் மூலத்திலுள்ள ‘தப்ப’ எனும் சொல்லின் வேர்ச்சொல்லும், 40:37ஆவது வசனத்தின் மூலத்தில் இடம்பெற்றதுமான) ‘தபாப்’ எனும் சொல்லுக்கு ‘இழப்பு’ என்பது பொருள்.

(11:101ஆவது வசனத்தின் மூலத்திலுள்ள) ‘தத்பீப்’ எனும் சொல்லுக்கு ‘சீரழிவு’ என்று பொருள்.

அத்தியாயம் : 65

பாடம்: 2 அவனும் நாசமாகிவிட்டான். அவனது செல்வமும் அவன் சம்பாதித் தவையும் அவனுக்கு எந்தப் பலனையும் அளிக்கா (எனும் 111:2ஆவது இறைவசனம்)
4972. இப்னு அப்பாஸ் (ரலி) அவர்கள் கூறியதாவது:

நபி (ஸல்) அவர்கள் (மக்காவின்) பள்ளத்தாக்கு நோக்கிக் கிளம்பிச் சென்று (அங்குள்ள ‘ஸஃபா’ எனும்) அந்த மலைமீதேறி, ‘‘யா ஸபாஹா! (இதோ, அதிகாலை ஆபத்து! உதவி! உதவி!) என்று கூவியழைத்தார்கள். உடனே அவர்களிடம் குறைஷியர் குழுமினர்.

அப்போது நபி (ஸல்) அவர்கள், ‘‘நான் உங்களிடம் ‘காலையிலோ மாலையிலோ (உங்களைத் தாக்குவதற்காக) உங்களை நோக்கிப் பகைவர்கள் வருகிறார்கள்’ என்று தகவல் சொன்னால் என்னை நீங்கள் நம்பியிருப்பீர்களா?, கூறுங்கள்!” என்று கேட்டார்கள். (குழுமியிருந்த மக்கா) மக்கள், ‘‘ஆம் (நம்பவே செய்வோம்)” என்று பதிலளித்தனர்.

நபி (ஸல்) அவர்கள், ‘‘அப்படியானால், கடும் வேதனையொன்று எதிர்நோக்கி யுள்ளது என உங்களுக்கு எச்சரிக்கை செய்கின்றேன்” என்று சொன்னார்கள். (இதைக் கேட்ட) உடன் அபூலஹப், ‘‘உனக்கு அழிவுண்டாகட்டும்; இதற்காகத்தான் எங்களை ஒன்றுதிரட்டினாயா?” என்று கேட்டான். அப்போது வல்லமையும் மாண்பும் மிக்க அல்லாஹ், ‘‘அழியட்டும் அபூலஹபின் இரு கரங்கள்” என்று தொடங்கும் (111ஆவது) அத்தியாயத்தை அருளினான்.

அத்தியாயம் : 65

பாடம்: 4 அவனுடன் அவன் மனைவியும் (அழியட்டும்!) அவளோ விறகு சுமப்பவள் (எனும் 111:4 ஆவது இறைவசனம்) முஜாஹித் (ரஹ்) அவர்கள் கூறு கிறார்கள்: (இவ்வசனத்தின் மூலத்திலுள்ள) ‘ஹம்மாலத்தல் ஹதப்’ எனும் சொல்லுக்கு ‘புறம் பேசித் திரிகின்றவள்’ (முஸ்லிம்களுக்கும் இணைவைப்பாளர்களுக்கும் இடையே பகைமையை வளர்ப்பவள்) என்று பொருள். (111:5ஆவது வசனத்தின் மூலத்திலுள்ள) ‘மசத்’ எனும் சொல், பனைமர நாருக்குச் சொல்லப்படும். இதுவே (மறுமையில்) நரகத்தின் சங்கிலியைக் குறிக்கும். பாடம்: 112. ‘அல்இக்லாஸ்’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) (112:1ஆவது வசனத்தின் மூலத்திலுள்ள) ‘அஹத்’ எனும் சொல்லை (‘அஹதுன்’ என்று ‘தன்வீன்’) ‘னகர ஒலி இணை’யுடன் வாசிக்கப்படாது என்று சொல்லப்படுகிறது. பொருள்: ஒருவன். பாடம் : 1
4974. நபி (ஸல்) அவர்கள் கூறினார்கள்:

அல்லாஹ் கூறினான்: ஆதமின் மகன் என்னை நம்ப மறுக்கின்றான்; ஆனால், அவனுக்கு அது (தகுதி) இல்லை. அவன் என்னை ஏசுகின்றான்; ஆனால், அவனுக்கு அது (தகுதி) இல்லை. நான், (மனிதனான) அவனை முதலில் படைத்தது போன்றே மீண்டும் அவனை நான் படைக்கமாட்டேன் என்று அவன் கூறுவதே அவன் என்னை நம்ப மறுப்பதாகும்.

(உண்மையில், மனிதன் இறந்த பிறகு) அவனுக்கு மீண்டும் உயிர் கொடுத்து எழுப்புவதைவிட, அவனை ஆரம்பமாகப் படைத்தது சுலபமன்று. (அதையே செய்துவிட்ட எனக்கு மீண்டும் உயிர் கொடுப்பது கடினமன்று.)

‘அல்லாஹ் (தனக்குக்) குழந்தையை ஏற்படுத்திக்கொண்டான்’ என்று அவன் கூறுவதே அவன் என்னை ஏசுவதாகும். ஆனால், நானோ ஏகன்; (எவரிடமும்) எந்தத் தேவையுமற்றவன்; நான் யாரையும் பெற்றவனுமல்லன்; யாருக்கும் பிறந்தவனுமல்லன். எனக்கு நிகராக யாருமில்லை.2

இதை அபூஹுரைரா (ரலி) அவர்கள் அறிவிக்கிறார்கள்.

அத்தியாயம் : 65

பாடம்: 113. ‘அல்ஃபலக்’ அத்தியாயம்1 (அளவிலா அருளாளன் நிகரிலா அன்புடையோன் அல்லாஹ்வின் திருப்பெயரால்...) முஜாஹித் பின் ஜப்ர் (ரஹ்) அவர்கள் கூறுகிறார்கள்: (113:1ஆவது வசனத்தின் மூலத்திலுள்ள) ‘அல்ஃபலக்’ எனும் சொல்லுக்கு ‘வைகறை’ என்பது பொருள். (113:3ஆவது வசனத்தின் மூலத்திலுள்ள) ‘ஃகாஸிக்’ (இருள் கப்பியது) எனும் சொல் இரவைக் குறிக்கிறது. (இதே வசனத்திலுள்ள) ‘வகப’ (அது படர்ந்தது) எனும் சொல், சூரிய அஸ்தமனத்தைக் குறிக்கிறது. (பொதுவாக அரபியரின் வழக்கில்) ‘அப்யனு மின் ஃபரக்கி வ ஃபலக்கிஸ் ஸுப்ஹி’ (அது வைகறையைவிடத் தெளிவானது) என்று (‘ஃபரக்’ எனும் சொல்லையும் ‘ஃபலக்’ எனும் சொல்லையும் ஒரே பொருளில் ஆண்டு) வழங்குகின்றனர். ‘ஒரு பொருள் மற்றொரு பொருளுக்குள் முழுவதுமாக நுழைந்து, இருள் கப்பிக்கொள்ளும்போது, ‘வகப’ என்பர்.
4976. ஸிர்ரு பின் ஹுபைஷ் (ரஹ்) அவர்கள் கூறியதாவது:

நான் உபை பின் கஅப் (ரலி) அவர்களி டம் ‘முஅவ்விதத்தைனி’ (பாதுகாப்புக் கோரும் பிரார்த்தனைகளான 113, 114ஆவது அத்தியாயங்கள் குர்ஆனில் கட்டுப்பட்டவையா என்பது) பற்றிக் கேட்டேன் அதற்கு அவர்கள் (பின் வருமாறு) கூறினார்கள்:

இது குறித்து நான் அல்லாஹ்வின் தூதர் (ஸல்) அவர்களிடம் கேட்டேன். அதற்கு அவர்கள், ‘‘என்னிடம் (நபியே! கூறுக: நான் பாதுகாப்புக் கோருகிறேன் என்று) கூறப்பட்டது. நானும் கூறினேன்” என்று சொன்னார்கள்.

(அறிவிப்பாளர் ஸிர்ரு பின் ஹுபைஷ் (ரஹ்) அவர்கள் கூறுகிறார்கள்:)

ஆகவே, நாங்களும் (நானும் உபை பின் கஅபும்) அல்லாஹ்வின் தூதர் (ஸல்) அவர்கள் சொன்னதைப் போன்றே சொல்வோம்.2

இந்த ஹதீஸ் இரு அறிவிப்பாளர்தொடர்களில் வந்துள்ளது.

அத்தியாயம் : 65

பாடம்: 1 வேதஅறிவிப்பு (வஹீ) எவ்வாறு அருளப்பெற்றது? என்பதும், முதன்முதலில் அருளப்பெற்றது எது? என்பதும் இப்னு அப்பாஸ் (ரலி) அவர்கள் கூறுகிறார்கள்: (5:48ஆவது வசனத்தின் மூலத்திலுள்ள) ‘அல்முஹைமின்’ எனும் சொல்லுக்கு ‘பாதுகாக்கக்கூடியது’ என்பது பொருள்; தனக்குமுன் வந்த எல்லா வேதங்களையும் பாதுகாக்கும் (நம்பிக்கைக்குரிய) வேதம் குர்ஆன் ஆகும்.
4978. ஆயிஷா (ரலி) அவர்களும் இப்னு அப்பாஸ் (ரலி) அவர்களும் கூறியதாவது:

நபி (ஸல்) அவர்கள் தம்மீது குர்ஆன் அருளப்பெற்றுக்கொண்டிருந்த நிலையில் (தம் பிறந்தகமான) மக்காவில் பத்தாண்டுகள் தங்கி இருந்தார்கள். (ஹிஜ்ரத்திற்குப் பின்) மதீனாவில் பத்தாண்டுகள் தங்கியிருந்தார்கள்.2


அத்தியாயம் : 66

பாடம்: 1 வேதஅறிவிப்பு (வஹீ) எவ்வாறு அருளப்பெற்றது? என்பதும், முதன்முதலில் அருளப்பெற்றது எது? என்பதும் இப்னு அப்பாஸ் (ரலி) அவர்கள் கூறுகிறார்கள்: (5:48ஆவது வசனத்தின் மூலத்திலுள்ள) ‘அல்முஹைமின்’ எனும் சொல்லுக்கு ‘பாதுகாக்கக்கூடியது’ என்பது பொருள்; தனக்குமுன் வந்த எல்லா வேதங்களையும் பாதுகாக்கும் (நம்பிக்கைக்குரிய) வேதம் குர்ஆன் ஆகும்.
4981. நபி (ஸல்) அவர்கள் கூறினார்கள்:

ஒவ்வோர் இறைத்தூதருக்கும் சில அற்புதங்கள் வழங்கப்பட்டே இருந்தன. அவற்றைக் காணும் மக்கள் நம்பித்தான் ஆக வேண்டிய நிலை இருந்தது. எனக்கு வழங்கப்பெற்ற அற்புதமெல்லாம், அல்லாஹ் எனக்கு அருளிய வேதஅறிவிப்பு (வஹீ)தான். ஆகவே, நபிமார்களிலேயே மறுமை நாளில், பின்பற்றுவோர் அதிகம் உள்ள நபியாக நான் இருக்க வேண்டும் என எதிர்பார்க்கிறேன்.

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 66