பாடம் : 2 மினாவில் சுருக்கித் தொழுதல்4
1084. அப்துர் ரஹ்மான் பின் யஸீத் (ரஹ்) அவர்கள் கூறியதாவது:

உஸ்மான் (ரலி) அவர்கள் மினாவில் எங்களுக்கு (இரண்டாகச் சுருக்காமல்) நான்கு ரக்அத்களாகவே தொழுவித்தார்கள். இதுபற்றி (அத்தொழுகையில் கலந்தகொண்ட) அப்துல்லாஹ் பின் மஸ்ஊத் (ரலி) அவர்களிடம் வினப்பட்ட போது, ‘இன்னா லில்லாஹி வ இன்னா இலைஹி ராஜிஊன்’ என்று கூறினார்கள்.

பின்னர் “நான் அல்லாஹ்வின் தூதர் (ஸல்) அவர்களுடன் மினாவில் இரண்டு ரக்அத்களாகவே தொழுதேன். அபூபக்ர் (ரலி) அவர்களுடனும் மினாவில் இரண்டு ரக்அத்களாகவே தொழுதேன். மினாவில் உமர் பின் அல்கத்தாப் (ரலி) அவர்களுட னும் இரண்டு ரக்அத்களாகவே தொழு தேன். (இப்போது நான் தொழுத) நான்கு ரக்அத்களிலிருந்து ஒப்புக்கொள்ளப்பட்ட இரண்டு ரக்அத்கள் என் பங்காகக் கிடைத் தால் போதுமே!” என்று கூறினார்கள்.

அத்தியாயம் : 18

பாடம் : 4 எவ்வளவு தொலைவு பயணம் செய்யும்போது சுருக்கித் தொழலாம்? நபி (ஸல்) அவர்கள் (குறைந்தபட்சம்) ஒரு பகல் ஒரு இரவு (தொலைவை) ‘பயணம்’ (சஃபர்) என்று குறிப்பிட்டுள் ளார்கள். இப்னு உமர் (ரலி), இப்னு அப்பாஸ் (ரலி) ஆகியோர் நான்கு ‘பரீத்’ அதாவது பதினாறு ‘ஃபர்சக்’ தொலைவுக்குப் பயணம் செய்யும்போது, சுருக்கி (கஸ்ர் செய்து) தொழுவார்கள்; நோன்பை விட்டுவிடு வார்கள்.6
1086. நபி (ஸல்) அவர்கள் கூறினார்கள்:

எந்தப் பெண்ணும் மணம் முடிக்கத் தகாத நெருங்கிய ஆண் உறவினர் உடன் இல்லாமல் (தனியாக) மூன்று நாட்களுக்கான பயணம் மேற்கொள்ள வேண்டாம்.

இதை இப்னு உமர் (ரலி) அவர்கள் அறிவிக்கிறார்கள்.


அத்தியாயம் : 18

பாடம் : 4 எவ்வளவு தொலைவு பயணம் செய்யும்போது சுருக்கித் தொழலாம்? நபி (ஸல்) அவர்கள் (குறைந்தபட்சம்) ஒரு பகல் ஒரு இரவு (தொலைவை) ‘பயணம்’ (சஃபர்) என்று குறிப்பிட்டுள் ளார்கள். இப்னு உமர் (ரலி), இப்னு அப்பாஸ் (ரலி) ஆகியோர் நான்கு ‘பரீத்’ அதாவது பதினாறு ‘ஃபர்சக்’ தொலைவுக்குப் பயணம் செய்யும்போது, சுருக்கி (கஸ்ர் செய்து) தொழுவார்கள்; நோன்பை விட்டுவிடு வார்கள்.6
1088. அல்லாஹ்வின் தூதர் (ஸல்) அவர்கள் கூறினார்கள்:

அல்லாஹ்வையும் இறுதி நாளையும் நம்பக்கூடிய எந்தப் பெண்ணும் ஒரு பகல் ஓர் இரவு தொலைவுடைய பயணத்தை (மணமுடிக்கத் தகாத) நெருங்கிய ஆண் உறவினர் உடன் இல்லாமல் (தனியாக) மேற்கொள்ள வேண்டாம்.7

இதை அபூஹுரைரா (ரலி) அவர்கள் அறிவிக்கிறார்கள்.

இந்த ஹதீஸ் நான்கு அறிவிப்பாளர் தொடர்களில் வந்துள்ளது.

அத்தியாயம் : 18

பாடம் : 5 (பயணத் திட்டத்துடன்) ஒருவர் தமது இருப்பிடத்தைவிட்டுப் புறப்பட்டுவிட்டாலே கஸ்ர் செய்து தொழலாம்.8 அலீ (ரலி) அவர்கள் (கூஃபா நகரி லிருந்து பயணம்) புறப்பட்டுச் செல்லும் போது, (உள்ளூரிலுள்ள) வீடுகள் கண்களுக்குத் தெரியும்போதே சுருக்கி (கஸ்ர் செய்து) தொழுதார்கள். திரும்பி வந்தபோது, “இதோ கூஃபா (தெரிகிறது. இனி தொழுகையை சுருக்குவீர்களா? அலலது முழுமையாக்குவீர்களா?)” என்று அவர்களிடம் வினவப்பட்டது. அப்போது அவர்கள் “இல்லை! நாம் ஊருக்குள் நுழையும்வரை (சுருக்கியே தொழுவோம்)” என்று பதிலளித்தார்கள்.
1090. ஆயிஷா (ரலி) அவர்கள் கூறியதாவது:

ஆரம்பத்தில் தொழுகை இரண்டு ரக்அத்களாகத்தான் கடமையாக்கப்பட்டது. பயணத் தொழுகை அவ்வாறே (இரண்டிரண்டு ரக்அத்களாகவே) நீடித்தது; சொந்த ஊரில் (தொழும் லுஹ்ர், அஸ்ர், இஷா ஆகிய தொழுகைகள் நான்கு ரக்அத்களாக) முழுமைப்படுத்தப்பட்டன.

(இதன் அறிவிப்பாளர்களில் ஒருவ ரான) ஸுஹ்ரீ (ரஹ்) அவர்கள் கூறு கிறார்கள்:

நான் (இந்த ஹதீஸை எனக்கு அறிவித்த) உர்வா (ரஹ்) அவர்களிடம் ஆயிஷா (ரலி) அவர்களின் நிலைப்பாடு என்ன (அவர்கள் ஏன் பயணத்தில் சுருக் கித் தொழாமல்) முழுமையாகத் தொழுதார் கள்?” என்று கேட்டேன். அதற்கு உர்வா (ரஹ்) அவர்கள், “உஸ்மான் (ரலி) அவர்கள் விளக்கம் கூறியதைப் போன்று ஆயிஷா (ரலி) அவர்களும் விளக்கம் கூறிவந்தார் கள் என்று பதிலளித்தார்கள்.10

அத்தியாயம் : 18

பாடம் : 6 மஃக்ரிப் தொழுகையைப் பய ணத்திலும் மூன்று ரக்அத் களாகவே தொழ வேண்டும்.
1092. சாலிம் பின் அப்தில்லாஹ் (ரஹ்) அவர்கள் கூறியதாவது:

(என் தந்தை) அப்துல்லாஹ் பின் உமர் (ரலி) அவர்கள் ‘முஸ்தலிஃபா’வில் மஃக்ரிபையும் இஷாவையும் சேர்த்து (இஷாவில்) தொழுவார்கள்.

(ஒரு முறை) அப்துல்லாஹ் பின் உமர் (ரலி) அவர்கள் தம் துணைவியார் ஸஃபிய்யா பின்த் அபீஉபைதின் (உடல் நிலை கவலைக்கிடமாக இருப்பதாக) செய்தி வந்ததையொட்டி (அவசரமாகப் பயணம் புறப்பட்டார்கள். அதனால்) மஃக்ரிப் தொழுகையைத் தாமதப்படுத்தி னார்கள். அப்போது அவர்களிடம் நான் ‘தொழுகை’ என்று நினைவூட்டினேன். அப்போது ‘பயணத்தைத் தொடரு!’ என்று சொன்னார்கள். பிறகு (மீண்டும்) ‘தொழுகை’ என அவர்களிடம் சொன்னேன். அப்போதும் “பயணத்தைத் தொடரு” என்றார்கள்.

இரண்டு அல்லது மூன்று மைல்கள் சென்றதும் வாகனத்தில் இருந்து இறங்கி (மஃக்ரிப் தொழுகையைச் செம்மேகம் மறைந்தபின்) தொழுதார்கள். பிறகு “நபி (ஸல்) அவர்கள் அவசரமாகப் பயணம் செய்ய நேரிட்டால் இவ்வாறே செய்வார்கள்” என்று சொன்னார்கள்.

“நபி (ஸல்) அவர்கள் விரைவாகப் பயணம் புறப்பட நேரிட்டால் மஃக்ரிப் தொழுகையைத் தாமதப்படுத்துவார்கள். (மஃக்ரிபைச் சுருக்கித் தொழாமல்) மூன்று ரக்அத்களாகவே தொழுது ‘சலாம்’ கொடுப்பார்கள். பின்னர் சிறிதே இடைவெளி விட்டு இஷா தொழுகைக்கு இகாமத் சொல்லி, இரண்டு ரக்அத்களாக அதை(ச் சுருக்கி)த் தொழுவார்கள். பின்னர் ‘சலாம்’ கொடுப்பார்கள். இஷா தொழுகைக்குப் பிறகிலிருந்து நடு இரவில் அவர்கள் (தஹஜ்ஜுத் தொழுகைக்காக) எழும்வரை கூடுதலான தொழுகைகள் எதையும் தொழமாட்டார்கள்” என்றும் அப்துல்லாஹ் பின் உமர் (ரலி) அவர்கள் கூறினார்கள்.

அத்தியாயம் : 18

பாடம் : 7 வாகனம் எத்திசையில் சென்றா லும் அதன் மீதமர்ந்து கூடுதல் தொழுகைகளைத் தொழுதல்11
1094. ஜாபிர் பின் அப்தில்லாஹ் (ரலி) அவர்கள் கூறியதாவது:

நபி (ஸல்) அவர்கள் வாகனத்தில் செல்லும்போது, ‘கிப்லா’ அல்லாத திசை நோக்கி கூடுதலான தொழுகைகளைத் தொழுதிருக்கிறார்கள்.


அத்தியாயம் : 18

பாடம் : 8 வாகனத்தில் அமர்ந்து சைகை செய்து தொழுதல்
1096. அப்துல்லாஹ் பின் தீனார் (ரஹ்) அவர்கள் கூறியதாவது:

அப்துல்லாஹ் பின் உமர் (ரலி) அவர்கள் பயணத்தின்போது ஊர்தி ஒட்டகத்தில் அமர்ந்து, அது செல்லும் திசை நோக்கி (கூடுதலான தொழுகை களை) சைகை செய்து தொழுவார்கள். மேலும், “நபி (ஸல்) அவர்கள் அவ்வாறே செய்வார்கள்” என்றும் குறிப்பிடுவார்கள்.

அத்தியாயம் : 18

பாடம் : 9 கடமையான தொழுகைகளைத் தொழும்போது வாகனத்தில் இருந்து இறங்க வேண்டும்.
1098. சாலிம் பின் அப்தில்லாஹ் (ரஹ்) அவர்கள் கூறியதாவது:

(என் தந்தை) அப்துல்லாஹ் பின் உமர் (ரலி) அவர்கள் இரவில் பயணம் செய்யும் போது தமது ஊர்தி ஒட்டகத்தின் மீதமர்ந்து தொழுவார்கள். தமது முகம் எத்திசையில் இருக்கிறதென்பதைப் பற்றி அவர்கள் கவலைப்படமாட்டார்கள்.

மேலும், “அல்லாஹ்வின் தூதர் (ஸல்) அவர்கள் எத்திசை நோக்கிச் சென்றாலும் ஊர்தி ஒட்டகத்தின்மீது அமர்ந்து கூடுதலான தொழுகைகளையும் ‘வித்ர்’ தொழுகையையும் தொழுவார்கள். எனினும், கடமையான தொழுகைகளை வாகனத்தின் மீதமர்ந்து தொழமாட்டார்கள் (வாகனத்திலிருந்து இறங்கித்தான் தொழு வார்கள்)” என்றும் குறிப்பிட்டார்கள்.


அத்தியாயம் : 18

பாடம் : 10 கழுதையின் மீது அமர்ந்து கூடுதலான தொழுகைகளைத் தொழுதல்
1100. அனஸ் பின் சீரீன் (ரஹ்) அவர்கள் கூறியதாவது:

அனஸ் பின் மாலிக் (ரலி) அவர்கள் (அப்துல் மலிக் பின் மர்வானைச் சந்தித்து பஸ்ராவின் ஆளுநர் ஹஜ்ஜாஜ் பற்றி முறையிட்டுவிட்டு) ஷாம் (சிரியா) நாட்டி லிருந்து திரும்பி வந்தபோது, அவர்களை நாங்கள் எதிர்கொண்டோம். அப்போது அவர்களை நாங்கள் ‘அய்னுத் தம்ர்’ எனும் இடத்தில் சந்தித்தோம். அப்போது அவர்கள் கழுதையின் மீது அமர்ந்து (கூடுதலான தொழுகை) தொழுவதை நான் பார்த்தேன்.

அவர்களின் முகம் கிப்லாவுக்கு அந்தப் பக்கம் -அதாவது இடப்புறம்- நோக்கி அமைந்திருந்தது. “கிப்லா அல்லாத வேறு திசையில் நீங்கள் தொழுவதை நான் கண்டேனே!” என்று கேட்டேன். அதற்கு அவர்கள் “அல்லாஹ்வின் தூதர் (ஸல்) அவர்கள் (பயணத்தில்) இவ்வாறு செய்வதை நான் பார்த்திருக்காவிட்டால் நானும் இவ்வாறு செய்திருக்கமாட்டேன்” என்று விடையளித்தார்கள்.

இந்த ஹதீஸ் இரு அறிவிப்பாளர் தொடர்களில் வந்துள்ளது.

அத்தியாயம் : 18

பாடம் : 11 பயணத்தின்போது (கடமை யான) தொழுகைக்கு முன்பும் பின்பும் கூடுதலான தொழுகை களைத் தொழாமலிருத்தல்
1102. இப்னு உமர் (ரலி) அவர்கள் கூறியதாவது:

நான் அல்லாஹ்வின் தூதர் (ஸல்) அவர்களுடன் (பயணத்தில்) இருந்திருக்கி றேன். அவர்கள் பயணத்தின்போது (கடமையான) இரண்டு ரக்அத்களைவிட (கூடுதலாக) வேறெந்தத் தொழுகையையும் தொழமாட்டார்கள். அபூபக்ர் (ரலி), உமர் (ரலி), உஸ்மான் (ரலி) ஆகியோருடனும் இவ்வாறே நான் (பயணத்தில்) இருந்திருக்கிறேன் (அவர்கள் அனைவரும் இவ்வாறே செய்தனர்).12

அத்தியாயம் : 18