பாடம் : 13 வல்லமையும் மாண்பும் மிக்க அல்லாஹ் கூறுகின்றான்: (நபியே!) ஒருமுறை நாம் ஜின்களின் ஒரு குழுவினரை உம்மிடம் திருப்பிவிட்டோம். அவை குர்ஆனைச் செவியுற வேண்டும் என்பதற்காக. (நீர் குர்ஆனை ஓதிக்கொண்டிருந்த) அந்த இடத்திற்கு அவை வந்து சேர்ந்தபோது தங்களுக்குள் ‘‘மௌனமாய் இருங்கள்” என்று அவை பேசிக்கொண்டன. பின்னர் அது ஓதி முடிக்கப்பட்டபோது அந்த ஜின்கள் தம் கூட்டத்தாரிடம் எக்சரிக்கை செய்யக்கூடியவர்களாய் திரும்பிச் சென்று, ‘‘எங்கள் சமூகத்தாரே! நாங்கள் மூசாவுக்குப் பிறகு அருளப்பட்டுள்ள ஒரு வேதத்தைச் செவியுற்றோம். அது தனக்கு முன்பு வந்திருந்த வேதங்களை மெய்ப்படுத்தக்கூடியதாக இருக்கிறது. சத்தியத்திற்கும் நேரிய மார்க்கத்திற்கும் அது வழிகாட்டுகின்றது. எங்கள் சமூகத்தாரே! அல்லாஹ்வின் பக்கம் அழைப்பவரின் அழைப்பை ஏற்றுக்கொள்ளுங்கள்; அவர்மீது நம்பிக்கை கொள்ளுங்கள். அல்லாஹ் உங்கள் பாவங்களை மன்னிப்பான்; வதைக்கும் வேதனை’லிருந்து உங்களைப் பாதுகாப்பான். யார் அல்லாஹ்வின் பக்கம் அழைப்பவரின் சொல்லை ஏற்றுக்கொள்ள வில்லையோ அவர் பூமியில் (அல்லாஹ்வைத்) தோற்கடிக்க எந்த வலிமையும் பெற்றிருக்கவில்லை. அல்லாஹ்விடமிருந்து அவரைப் பாதுகாக்கும் எந்த ஆதரவாளரும் அவருக்கு இல்லை. இப்படிப்பட்டவர்கள் பகிரங்கமான வழிகேட்டில் உள்ளனர். (46: 29லி32) அதைவிட்டுத் தப்பும் இடத்தை (மஸ்ரிஃப்) அவர்கள் பெறமாட்டார்கள். (18:53) திருப்பிவிட்டோம் (ஸர்ரஃப்னா) (46:29). அதாவது முகத்தைத் திருப்பிவிட்டோம். பாடம் : 14 உயர்ந்தோன் அல்லாஹ் கூறுகின்றான்: அதில் (பூமியில்) பல்வேறு உயிரினங் களைப் பரவச் செய்தான். (31:10) இப்னு அப்பாஸ் (ரலி) அவர்கள் கூறினார்கள்: அவர் (மூசா) தமது கைத்தடியை(க் கீழே) போட்டார். உடனே அது நிஜமான பாம்பாக (ஸுஅபான்) மாறியது. (7:107) ‘ஸுஅபான்’ என்பது ஆண் பாம்பைக் குறிக்கும். பாம்புகள் பல வகை உண்டு.1. ஜான். வெள்ளைப் பாம்பு 2. அஃபாயீ. பெண் பாம்பு 3. அசாவிது. கரும்பாம்பு. எந்த உயிரினமானாலும் அதன் நெற்றி ரோமத்தை அவனே பற்றியிருக்கின்றான். (11:56). அதாவது அவனது ஆட்சியதிகாரத்தில் உள்ளன. தங்களுக்கு மேலே சிறகுகளை விரித்தும் மடக்கியும் பறக்கும் பறவைகளை இவர்கள் பார்க்கவில்லையா? அவற்றை (விழாமல்) தடுத்துவைத்திருப்பவன் கருணைமிக்க இறைவனைத் தவிர வேறெவருமில்லை. (67:19) யிசிறகுகளை விரித்து’ என்பதைக் குறிக்க ‘ஸாஃப்பாத்’ எனும் சொல்லும் யிமடக்கி’ என்பதைக் குறிக்க யியக்பிள்” எனும் சொல்லும் ஆளப்பட்டுள்ளன. அதாவது சிறகடித்துப் பறக்கின்றன.
3299. அப்துல்லாஹ் பின் உமர் (ரலி) அவர்கள் கூறியதாவது:

...அப்போது (நான் பாம்பைக் கொல்ல அதை விரட்டிச் சென்றபோது) என்னை அபூலுபாபா (ரலி) அவர்களும் ஸைத் பின் அல்கத்தாப் (ரலி) அவர்களும் பார்த்தார்கள்.102

இந்த ஹதீஸ் ஒன்பது அறிவிப்பாளர்தொடர்களில் வந்துள்ளது.

அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3301. அல்லாஹ்வின் தூதர் (ஸல்) அவர்கள் கூறினார்கள்:

இறைமறுப்பின் தலைமைப் பீடம் கிழக்குத் திசையில் (அக்னி ஆராதனை யாளர்களான மஜூசிகள் வசிக்கும் பாரசீகத்தில்) உள்ளது. குதிரைகள் மற்றும் ஒட்டகங்களின் உரிமையாளர்களிடமும் (நாடோடிப்) பாலைவனவாசிகளான ஒட்டக மேய்ப்பர்(களிடமும் பண்ணை முதலாளி)களிடமும் தற்பெருமையும் அகம்பாவமும் காணப்படுகின்றன. ஆடுகளின் உரிமை யாளர்களிடம் அமைதி(யும் பணிவும்) காணப்படுகின்றது.104

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3303. நபி (ஸல்) அவர்கள் கூறினார்கள்:

நீங்கள் சேவல்கள் கூவுகின்ற சப்தத் தைக் கேட்டால் அல்லாஹ்விடம் அவனது அருளைக் கேளுங்கள்: ஏனெனில், அவை வானவரைப் பார்த்திருக்கிறன. (அதனால்தான் கூவுகின்றன.) கழுதை கத்தும் சப்தத்தை நீங்கள் கேட்டால் ஷைத்தானிடமிருந்து அல்லாஹ்விடம் பாதுகாப்புக் கோருங்கள். ஏனெனில், அது ஷைத்தானைப் பார்த்திருக்கிறது. (அதனால் தான் கத்துகிறது.)

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3305. அபூஹுரைரா (ரலி) அவர்கள் கூறியதாவது:

‘‘இஸ்ரவேலர்களில் ஒரு குழுவினர் (மர்மமான முறையில்) காணாமல் போய் விட்டார்கள். அவர்கள் என்ன ஆனார்கள் என்பது தெரியவில்லை. நான் அவர்களை எலிகளாக (உருமாற்றப்பட்டுவிட்டதாக)வே கருதுகிறேன். அவற்றுக்கு (முன்னால்) ஒட்டகத்தின் பால் வைக்கப்பட்டால் அவை (அதைக்) குடிப்பதில்லை. அவற்றுக்கு (முன்பாக) ஆடுகளின் பால் வைக்கப்பட்டால் அவை (அதைக்) குடித்துவிடுகின்றனவே!” என்று நபி (ஸல்) அவர்கள் சொன்னார்கள்.108

இதை நான் கஅபுல் அஹ்பார் (ரஹ்) அவர்களுக்கு அறிவித்தேன். உடனே அவர்கள், ‘‘நபி (ஸல்) அவர்கள் இதைச் சொல்ல நீங்கள் கேட்டீர்களா?” என்று வினவினார்கள். நான், ‘‘ஆம் (கேட்டேன்)” என்றேன். அவர்கள் (திரும்பத் திரும்பப்) பலமுறை அதேபோலக் கேட்டார்கள். ‘‘நான் தவ்ராத்தையா ஓதுகிறேன்? (அதிலிருந்து சொல்வதற்கு?)” என்று நான் கேட்டேன்.


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3307. சயீத் பின் அல்முசய்யப் (ரஹ்) அவர்கள் கூறியதாவது:

நபி (ஸல்) அவர்கள் பல்லிகளைக் கொல்லுமாறு தமக்கு உத்தரவிட்டதாக உம்மு ஷரீக் (ரலி) அவர்கள் என்னிடம் தெரிவித்தார்கள்.


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3309. ஆயிஷா (ரலி) அவர்கள் கூறியதாவது:

நபி (ஸல்) அவர்கள் குட்டைவால் பாம்பைக் கொல்லுமாறு உத்தரவிட்டார்கள். மேலும், ‘‘அது கண் பார்வையைப் பறித்துவிடும்; கருவைச் சிதைத்துவிடும்” என்று கூறினார்கள்.111


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3311. (தொடர்ந்து இப்னு உமர் (ரலி) அவர்கள் கூறுகிறார்கள்:)

(இந்த நிலையில்) அபூலுபாபா (ரலி) அவர்களை நான் சந்தித்தேன். அவர்கள், ‘‘நபி (ஸல்) அவர்கள், (வீட்டிலுள்ள மெல்லிய வெண்ணிறப்) பாம்புகளைக் கொல்லாதீர்கள்;112 குட்டைவால் உள்ள, முதுகில் இரண்டு வெள்ளை நிறக் கோடுகள் கொண்ட பாம்புகளைத் தவிர. ஏனெனில், அவை (கருவிலுள்ள) குழந்தை யைச் சிதைத்துவிடும்; பார்வையைப் பறித்துவிடும். ஆகவே, அவற்றைக் கொன்று விடுங்கள்” எனக் கூறியதாக எனக்கு அறிவித்தார்கள்.113


அத்தியாயம் : 59

பாடம் : 15 முஸ்லிமின் செல்வத்தில் சிறந்தது அவர் மலைகளின் உச்சிக்கு ஓட்டிச் செல்கின்ற ஆடுதான்.
3313. (தொடர்ந்து நாஃபிஉ (ரஹ்) அவர்கள் கூறுகிறார்கள்:)

அப்போது அபூலுபாபா (ரலி) அவர்கள் இப்னு உமர் (ரலி) அவர்களிடம், ‘‘நபி (ஸல்) அவர்கள் வீடுகளில் வசிக்கும் (மெல்லிய, வெண்ணிறப்) பாம்புகளைக் கொல்வதைத் தடை செய்தார்கள்” என்று தெரிவித்தார்கள். ஆகவே, இப்னு உமர் (ரலி) அவர்கள் அவற்றைக் கொல்வதை நிறுத்திவிட்டார்கள்.

அத்தியாயம் : 59

பாடம் : 16 ஐந்து வகை உயிரினங்கள் தீங்கிழைப்பவை; புனித (ஹரம்) எல்லையிலும் அவை கொல்லப் படும்.
3315. அல்லாஹ்வின் தூதர் (ஸல்) அவர்கள் கூறினார்கள்:

ஐந்து வகை உயிரினங்கள் உள்ளன. அவற்றை (ஹஜ் அல்லது உம்ராவுக்காக) யிஇஹ்ராம்’ கட்டிய ஒருவர் கொன்றுவிட் டாலும் அவர்மீது குற்றமேதும் இல்லை. தேள், எலி, வெறிநாய், (நீர்க்) காகம், பருந்து ஆகியவைதான் அவை.

இதை அப்துல்லாஹ் பின் உமர் (ரலி) அவர்கள் அறிவிக்கிறார்கள்.115


அத்தியாயம் : 59

பாடம் : 16 ஐந்து வகை உயிரினங்கள் தீங்கிழைப்பவை; புனித (ஹரம்) எல்லையிலும் அவை கொல்லப் படும்.
3317. அப்துல்லாஹ் பின் மஸ்ஊத் (ரலி) அவர்கள் கூறியதாவது:

நாங்கள் (ஒருமுறை) அல்லாஹ்வின் தூதர் (ஸல்) அவர்களுடன் (மினாவில்) ஒரு குகையில் (தங்கி) இருந்தோம். அப்போது, யிவல்முர்சலாத்தி உர்ஃபன்’ (ஒன்றன்பின் ஒன்றாக அனுப்பப்படு கின்றவைமீது சத்தியமாக!) என்று தொடங்கும் (77ஆவது) அத்தியாயம் அருளப்பட்டது. அதை நாங்கள் நபி (ஸல்) அவர்களின் வாயிலிருந்து கேட்டுக் கொண்டிருந்தோம். அப்போது பாம்பு ஒன்று, தன் புற்றிலிருந்து வெளிப்பட்டது. நாங்கள் அதைக் கொல்ல விரைந்தோம். அது எங்களை முந்திக்கொண்டு தன் புற்றுக்குள் நுழைந்துவிட்டது.

அப்போது அல்லாஹ்வின் தூதர் (ஸல்) அவர்கள், ‘‘நீங்கள் அதன் தீங்கி லிருந்து காப்பாற்றப்பட்டதைப் போன்றே அதுவும் உங்கள் தீங்கிலிருந்து காப்பாற்றப் பட்டுவிட்டது” என்று சொன்னார்கள்.117

இந்த ஹதீஸ் ஆறு அறிவிப்பாளர்தொடர்களில் வந்துள்ளது.

அவற்றில் ஒன்றில், ‘‘அதை நாங்கள் அவர்களின் வாயிலிருந்து புத்தம் புதிதாகச் செவியுற்றுக்கொண்டிருந்தோம்” என இடம்பெற்றுள்ளது.


அத்தியாயம் : 59