பாடம் : 33 மனித முடியைக் கழுவிய தண்ணீர், நாய் வாய்வைத்த தண்ணீர், பள்ளிவாசலில் நாய் கடந்துசென்ற இடம் (ஆகிய வற்றின் சட்டம்).17 மனித முடியிலிருந்து கயிறுகளும் நூல்களும் திரித்தெடுப்பதை அதாஉ பின் அபீரபாஹ் (ரஹ்) அவர்கள் குற்றமாகக் கருதவில்லை. தண்ணீர் உள்ள ஒரு பாத்திரத்தில் நாய் வாய்வைத்துவிட, அந்தத் தண்ணீரைத் தவிர வேறு தண்ணீர் இல்லையென்றால், அந்தத் தண்ணீரால் அங்கத் தூய்மை செய்யலாம் என முஹம்மத் பின் முஸ்லிம் அஸ்ஸுஹ்ரீ (ரஹ்) அவர்கள் கூறுகிறார்கள். சுஃப்யான் அஸ்ஸவ்ரீ (ரஹ்) அவர்கள் கூறுகிறார்கள்: (ஸுஹ்ரீ (ரஹ்) அவர்கள் கூறிய) இந்தச் சட்டம், “உங்களுக்குத் தண்ணீர் கிடைக்க வில்லையானால், சுத்தமான மண்ணால் ‘தயம்மும்’ செய்துகொள்ளுங்கள்” (4:43) எனும் இறைவசனத்திலிருந்தே பெறப்படுகிறது. (ஏனெனில், ‘தண்ணீர்’ என்று பொதுவாக அல்லாஹ் கூறுவதால் நாய் வாய்வைத்த) இந்தத் தண்ணீரும் தண்ணீர்தான். என்றாலும், அங்கத் தூய்மை செய்பவரின் மனத்தில் உறுத்தல் ஏற்படுகிறது. ஆகவே, அந்தத் தண்ணீரில் அங்கத் தூய்மை செய்பவர் ‘தயம்மும்’ செய்து கொள்ளவும் வேண்டும்.
172. அல்லாஹ்வின் தூதர் (ஸல்) அவர்கள் கூறினார்கள்:

உங்களில் ஒருவருடைய பாத்திரத் தில் நாய் (வாய்வைத்துக்) குடித்துவிடு மானால், அவர் அந்தப் பாத்திரத்தை ஏழு முறை கழுவட்டும்.

இதை அபூஹுரைரா (ரலி) அவர்கள் அறிவிக்கிறார்கள்.


அத்தியாயம் : 4

பாடம் : 33 மனித முடியைக் கழுவிய தண்ணீர், நாய் வாய்வைத்த தண்ணீர், பள்ளிவாசலில் நாய் கடந்துசென்ற இடம் (ஆகிய வற்றின் சட்டம்).17 மனித முடியிலிருந்து கயிறுகளும் நூல்களும் திரித்தெடுப்பதை அதாஉ பின் அபீரபாஹ் (ரஹ்) அவர்கள் குற்றமாகக் கருதவில்லை. தண்ணீர் உள்ள ஒரு பாத்திரத்தில் நாய் வாய்வைத்துவிட, அந்தத் தண்ணீரைத் தவிர வேறு தண்ணீர் இல்லையென்றால், அந்தத் தண்ணீரால் அங்கத் தூய்மை செய்யலாம் என முஹம்மத் பின் முஸ்லிம் அஸ்ஸுஹ்ரீ (ரஹ்) அவர்கள் கூறுகிறார்கள். சுஃப்யான் அஸ்ஸவ்ரீ (ரஹ்) அவர்கள் கூறுகிறார்கள்: (ஸுஹ்ரீ (ரஹ்) அவர்கள் கூறிய) இந்தச் சட்டம், “உங்களுக்குத் தண்ணீர் கிடைக்க வில்லையானால், சுத்தமான மண்ணால் ‘தயம்மும்’ செய்துகொள்ளுங்கள்” (4:43) எனும் இறைவசனத்திலிருந்தே பெறப்படுகிறது. (ஏனெனில், ‘தண்ணீர்’ என்று பொதுவாக அல்லாஹ் கூறுவதால் நாய் வாய்வைத்த) இந்தத் தண்ணீரும் தண்ணீர்தான். என்றாலும், அங்கத் தூய்மை செய்பவரின் மனத்தில் உறுத்தல் ஏற்படுகிறது. ஆகவே, அந்தத் தண்ணீரில் அங்கத் தூய்மை செய்பவர் ‘தயம்மும்’ செய்து கொள்ளவும் வேண்டும்.
174. அப்துல்லாஹ் பின் உமர் (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர் களது காலத்தில், (வெளியே) சிறுநீர் கழித்துவிட்டு, (மண்தரையாக இருந்த) பள்ளிவாசலுக்குள் நாய்கள் வந்து கொண்டும் போய்க்கொண்டும் இருந்தன. இதற்காக மக்கள் (பள்ளிவாசலில் தண்ணீர்) எதையும் தெளிப்பவர்களாக இருக்க வில்லை.


அத்தியாயம் : 4

பாடம் : 34 முன், பின் இரு துவாரங்களி லிருந்து ஏதேனும் வெளியேறி னால் மட்டுமே அங்கத் தூய்மை முறியும் என்று கூறுவோர்19 ஏனெனில் உயர்ந்தோன் அல்லாஹ் கூறுகின்றான்: அல்லது உங்களில் ஒருவர் கழிப்பிடத்திலிருந்து (இயற்கைக் கடனை முடித்துவிட்டு) வந்தால்... (தொழுகைக்காக அங்கத் தூய்மை செய்துகொள்ள வேண்டும்.) (4:43)20 அதாஉ பின் அபீரபாஹ் (ரஹ்) அவர்கள் கூறியதாவது: ஒருவரது பின் துவாரத்தி லிருந்து புழுவோ, அல்லது முன் துவாரத் திலிருந்து பேன் போன்ற சிறு பூச்சியோ வெளியேறினால் (அவரது அங்கத் தூய்மை நீங்கிவிடுகிறது.) அவர் மீண்டும் அங்கத் தூய்மை செய்ய வேண்டும். ஜாபிர் பின் அப்தில்லாஹ் (ரலி) அவர்கள் கூறியதாவது: ஒருவர் தொழுகையில் (சப்தமிட்டுச்) சிரித்தால் அவர் அந்தத் தொழுகையைத்தான் திரும்பத் தொழ வேண்டுமே தவிர, திரும்பவும் அங்கத் தூய்மை செய்ய வேண்டியதில்லை. ஹசன் அல்பஸ்ரீ (ரஹ்) அவர்கள் கூறியதாவது: ஒருவர் (தமது உடலிலுள்ள) முடியையோ நகங்களையோ களைவதால், அல்லது தமது காலுறையைக் கழற்றி விடுவதால் அவர் மீண்டும் அங்கத் தூய்மை செய்ய வேண்டியதில்லை. அபூஹுரைரா (ரலி) அவர்கள் கூறியதாவது: சிறு துடக்கு (தூய்மைக் கேடு) ஏற்பட்டால்தான் அங்கத் தூய்மையைத் திரும்பச் செய்ய வேண்டும். ஜாபிர் (ரலி) அவர்கள் கூறியதாவது: ‘தாத்துர் ரிகாஉ’ போரில் நபி (ஸல்) அவர்களும் இருந்தார்கள். அப்போரில் (முஸ்லிம்களில்) ஒருவர்மீது அம்பு பாய்ந்தது. அவருக்குக் கடுமையான இரத்தக் கசிவு ஏற்பட்டது. ஆயினும், அவர் ருகூஉ, சஜ்தா செய்து தொழுகையைத் தொடர்ந்தார். ஹசன் அல்பஸ்ரீ (ரஹ்) அவர்கள் கூறியதாவது: தங்களின் உடலில் காயங்கள் இருக்கவே (நபித்தோழர்களான) முஸ்லிம்கள் தொழுதுகொண்டேயிருந்தார்கள். இரத்தம் வெளியேறுவதன் காரணமாக அங்கத் தூய்மையைத் திரும்பச் செய்ய வேண்டியதில்லை என்று தாவூஸ் பின் கைசான் (ரஹ்), முஹம்மத் பின் அலீ (ரஹ்), அதாஉ பின் அபீரபாஹ் (ரஹ்) உள்ளிட்ட ஹிஜாஸ்வாசிகள் கூறியுள்ளனர். இப்னு உமர் (ரலி) அவர்கள் (தமது உடலிலிருந்த) சிறு கொப்புளத்தை நசுக்கி னார்கள். அதிலிருந்து இரத்தம் வெளி யானது. ஆனால், அவர்கள் திரும்பவும் அங்கத் தூய்மை செய்யவில்லை. அப்துல்லாஹ் பின் அபீஅவ்ஃபா (ரலி) அவர்களின் உமிழ் நீரில் இரத்தம் வந்தது. (அதற்காக அங்கத் தூய்மையைத் திரும்பச் செய்யாமலேயே) அவர்கள் தொழுகை யைத் தொடர்ந்துகொண்டிருந்தார்கள். இப்னு உமர் (ரலி), ஹசன் அல்பஸ்ரீ (ரஹ்) ஆகியோர் கூறினர்: ஒருவர் (நோய்க்காக) குருதி உறிஞ்சி எடுப்பாரானால், அவர் அந்த இடத்தை மட்டும் கழுவினால் போதும் (மீண்டும் அங்கத் தூய்மை செய்ய வேண்டிய தில்லை).
176. சயீத் அல்மக்புரீ (ரஹ்) அவர்கள் கூறியதாவது:

நபி (ஸல்) அவர்கள், “ஓர் அடியார் (அங்கத் தூய்மை செய்து கூட்டுத்) தொழுகையை எதிர்பார்த்தபடி பள்ளிவாசலில் இருக்கும் நேரமெல்லாம் அவர் தொழுகையில் இருப்பவராகவே கருதப்படுகிறாôர்; அவருக்கு சிறு துடக்கு (ஹதஸ்) ஏற்படாத வரை” என அல்லாஹ்வின் தூதர் (ஸல்) அவர்கள் சொன்னதாக அபூஹுரைரா (ரலி) அவர்கள் கூறினார்கள்.

அப்போது அரபி மொழி (நன்கு) தெரியாத ஒருவர், “ஹதஸ் என்றால் என்ன, அபூஹுரைரா அவர்களே!?” என்று கேட்டார். அதற்கு அபூஹுரைரா (ரலி) அவர்கள், “பின்துவாரத்திலிருந்து வெளியாகும் காற்று (சப்தம்)” என்று பதிலளித் தார்கள்.


அத்தியாயம் : 4

பாடம் : 34 முன், பின் இரு துவாரங்களி லிருந்து ஏதேனும் வெளியேறி னால் மட்டுமே அங்கத் தூய்மை முறியும் என்று கூறுவோர்19 ஏனெனில் உயர்ந்தோன் அல்லாஹ் கூறுகின்றான்: அல்லது உங்களில் ஒருவர் கழிப்பிடத்திலிருந்து (இயற்கைக் கடனை முடித்துவிட்டு) வந்தால்... (தொழுகைக்காக அங்கத் தூய்மை செய்துகொள்ள வேண்டும்.) (4:43)20 அதாஉ பின் அபீரபாஹ் (ரஹ்) அவர்கள் கூறியதாவது: ஒருவரது பின் துவாரத்தி லிருந்து புழுவோ, அல்லது முன் துவாரத் திலிருந்து பேன் போன்ற சிறு பூச்சியோ வெளியேறினால் (அவரது அங்கத் தூய்மை நீங்கிவிடுகிறது.) அவர் மீண்டும் அங்கத் தூய்மை செய்ய வேண்டும். ஜாபிர் பின் அப்தில்லாஹ் (ரலி) அவர்கள் கூறியதாவது: ஒருவர் தொழுகையில் (சப்தமிட்டுச்) சிரித்தால் அவர் அந்தத் தொழுகையைத்தான் திரும்பத் தொழ வேண்டுமே தவிர, திரும்பவும் அங்கத் தூய்மை செய்ய வேண்டியதில்லை. ஹசன் அல்பஸ்ரீ (ரஹ்) அவர்கள் கூறியதாவது: ஒருவர் (தமது உடலிலுள்ள) முடியையோ நகங்களையோ களைவதால், அல்லது தமது காலுறையைக் கழற்றி விடுவதால் அவர் மீண்டும் அங்கத் தூய்மை செய்ய வேண்டியதில்லை. அபூஹுரைரா (ரலி) அவர்கள் கூறியதாவது: சிறு துடக்கு (தூய்மைக் கேடு) ஏற்பட்டால்தான் அங்கத் தூய்மையைத் திரும்பச் செய்ய வேண்டும். ஜாபிர் (ரலி) அவர்கள் கூறியதாவது: ‘தாத்துர் ரிகாஉ’ போரில் நபி (ஸல்) அவர்களும் இருந்தார்கள். அப்போரில் (முஸ்லிம்களில்) ஒருவர்மீது அம்பு பாய்ந்தது. அவருக்குக் கடுமையான இரத்தக் கசிவு ஏற்பட்டது. ஆயினும், அவர் ருகூஉ, சஜ்தா செய்து தொழுகையைத் தொடர்ந்தார். ஹசன் அல்பஸ்ரீ (ரஹ்) அவர்கள் கூறியதாவது: தங்களின் உடலில் காயங்கள் இருக்கவே (நபித்தோழர்களான) முஸ்லிம்கள் தொழுதுகொண்டேயிருந்தார்கள். இரத்தம் வெளியேறுவதன் காரணமாக அங்கத் தூய்மையைத் திரும்பச் செய்ய வேண்டியதில்லை என்று தாவூஸ் பின் கைசான் (ரஹ்), முஹம்மத் பின் அலீ (ரஹ்), அதாஉ பின் அபீரபாஹ் (ரஹ்) உள்ளிட்ட ஹிஜாஸ்வாசிகள் கூறியுள்ளனர். இப்னு உமர் (ரலி) அவர்கள் (தமது உடலிலிருந்த) சிறு கொப்புளத்தை நசுக்கி னார்கள். அதிலிருந்து இரத்தம் வெளி யானது. ஆனால், அவர்கள் திரும்பவும் அங்கத் தூய்மை செய்யவில்லை. அப்துல்லாஹ் பின் அபீஅவ்ஃபா (ரலி) அவர்களின் உமிழ் நீரில் இரத்தம் வந்தது. (அதற்காக அங்கத் தூய்மையைத் திரும்பச் செய்யாமலேயே) அவர்கள் தொழுகை யைத் தொடர்ந்துகொண்டிருந்தார்கள். இப்னு உமர் (ரலி), ஹசன் அல்பஸ்ரீ (ரஹ்) ஆகியோர் கூறினர்: ஒருவர் (நோய்க்காக) குருதி உறிஞ்சி எடுப்பாரானால், அவர் அந்த இடத்தை மட்டும் கழுவினால் போதும் (மீண்டும் அங்கத் தூய்மை செய்ய வேண்டிய தில்லை).
178. அலீ (ரலி) அவர்கள் கூறியதாவது:

பாலுணர்வு கிளர்ச்சி நீர் (‘மதீ’) அதிக மாக வெளிப்படும் ஆடவனாக நான் இருந்தேன். (இது பற்றிக்) கேட்க வெட் கப்பட்டு மிக்தாத் பின் அல்அஸ்வத் (ரலி) அவர்களை அல்லாஹ்வின் தூதர் (ஸல்) அவர்களிடம் கேட்குமாறு பணித்தேன். அவ்வாறே அவர் அல்லாஹ்வின் தூதர் (ஸல்) அவர்களிடம் கேட்டார்.

“அதற்காக அங்கத் தூய்மை (உளூ) செய்வதுதான் கடமை; (குளிக்க வேண்டிய கட்டாயமில்லை)” என்று அல்லாஹ்வின் தூதர் (ஸல்) அவர்கள் பதிலளித்தார்கள்.

இந்த ஹதீஸ் இரு அறிவிப்பாளர் தொடர்களில் வந்துள்ளது.


அத்தியாயம் : 4

பாடம் : 34 முன், பின் இரு துவாரங்களி லிருந்து ஏதேனும் வெளியேறி னால் மட்டுமே அங்கத் தூய்மை முறியும் என்று கூறுவோர்19 ஏனெனில் உயர்ந்தோன் அல்லாஹ் கூறுகின்றான்: அல்லது உங்களில் ஒருவர் கழிப்பிடத்திலிருந்து (இயற்கைக் கடனை முடித்துவிட்டு) வந்தால்... (தொழுகைக்காக அங்கத் தூய்மை செய்துகொள்ள வேண்டும்.) (4:43)20 அதாஉ பின் அபீரபாஹ் (ரஹ்) அவர்கள் கூறியதாவது: ஒருவரது பின் துவாரத்தி லிருந்து புழுவோ, அல்லது முன் துவாரத் திலிருந்து பேன் போன்ற சிறு பூச்சியோ வெளியேறினால் (அவரது அங்கத் தூய்மை நீங்கிவிடுகிறது.) அவர் மீண்டும் அங்கத் தூய்மை செய்ய வேண்டும். ஜாபிர் பின் அப்தில்லாஹ் (ரலி) அவர்கள் கூறியதாவது: ஒருவர் தொழுகையில் (சப்தமிட்டுச்) சிரித்தால் அவர் அந்தத் தொழுகையைத்தான் திரும்பத் தொழ வேண்டுமே தவிர, திரும்பவும் அங்கத் தூய்மை செய்ய வேண்டியதில்லை. ஹசன் அல்பஸ்ரீ (ரஹ்) அவர்கள் கூறியதாவது: ஒருவர் (தமது உடலிலுள்ள) முடியையோ நகங்களையோ களைவதால், அல்லது தமது காலுறையைக் கழற்றி விடுவதால் அவர் மீண்டும் அங்கத் தூய்மை செய்ய வேண்டியதில்லை. அபூஹுரைரா (ரலி) அவர்கள் கூறியதாவது: சிறு துடக்கு (தூய்மைக் கேடு) ஏற்பட்டால்தான் அங்கத் தூய்மையைத் திரும்பச் செய்ய வேண்டும். ஜாபிர் (ரலி) அவர்கள் கூறியதாவது: ‘தாத்துர் ரிகாஉ’ போரில் நபி (ஸல்) அவர்களும் இருந்தார்கள். அப்போரில் (முஸ்லிம்களில்) ஒருவர்மீது அம்பு பாய்ந்தது. அவருக்குக் கடுமையான இரத்தக் கசிவு ஏற்பட்டது. ஆயினும், அவர் ருகூஉ, சஜ்தா செய்து தொழுகையைத் தொடர்ந்தார். ஹசன் அல்பஸ்ரீ (ரஹ்) அவர்கள் கூறியதாவது: தங்களின் உடலில் காயங்கள் இருக்கவே (நபித்தோழர்களான) முஸ்லிம்கள் தொழுதுகொண்டேயிருந்தார்கள். இரத்தம் வெளியேறுவதன் காரணமாக அங்கத் தூய்மையைத் திரும்பச் செய்ய வேண்டியதில்லை என்று தாவூஸ் பின் கைசான் (ரஹ்), முஹம்மத் பின் அலீ (ரஹ்), அதாஉ பின் அபீரபாஹ் (ரஹ்) உள்ளிட்ட ஹிஜாஸ்வாசிகள் கூறியுள்ளனர். இப்னு உமர் (ரலி) அவர்கள் (தமது உடலிலிருந்த) சிறு கொப்புளத்தை நசுக்கி னார்கள். அதிலிருந்து இரத்தம் வெளி யானது. ஆனால், அவர்கள் திரும்பவும் அங்கத் தூய்மை செய்யவில்லை. அப்துல்லாஹ் பின் அபீஅவ்ஃபா (ரலி) அவர்களின் உமிழ் நீரில் இரத்தம் வந்தது. (அதற்காக அங்கத் தூய்மையைத் திரும்பச் செய்யாமலேயே) அவர்கள் தொழுகை யைத் தொடர்ந்துகொண்டிருந்தார்கள். இப்னு உமர் (ரலி), ஹசன் அல்பஸ்ரீ (ரஹ்) ஆகியோர் கூறினர்: ஒருவர் (நோய்க்காக) குருதி உறிஞ்சி எடுப்பாரானால், அவர் அந்த இடத்தை மட்டும் கழுவினால் போதும் (மீண்டும் அங்கத் தூய்மை செய்ய வேண்டிய தில்லை).
180. அபூசயீத் அல்குத்ரீ (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் அன்சாரிகளில் ஒருவரை அழைத்து வருமாறு ஆளனுப்பினார்கள். தலையிலி ருந்து தண்ணீர் சொட்டும் நிலையில் அவர் வந்தார். இதைக் கண்ட நபி (ஸல்) அவர்கள். “நாம் உங்களை அவசரப் படுத்திவிட்டோம் போலும்?” என்றார்கள். அதற்கு அவர் ‘ஆம்’ என்றார்.

அப்போது அல்லாஹ்வின் தூதர் (ஸல்) அவர்கள், “நீங்கள் (தாம்பத்திய உறவு கொள்ளும்போது) அவசரப்பட்டு எழ நேர்ந்தால், அல்லது விந்து வெளியாக்காம லிருந்தால் அங்கத் தூய்மை செய்வது (மட்டுமே) உங்கள்மீது கடமையாகும்” என்று கூறினார்கள்.

இந்த ஹதீஸ் நான்கு அறிவிப்பாளர்தொடர்களில் வந்துள்ளது.

அபூஅப்தில்லாஹ் (புகாரியாகிய நான்) கூறுகிறேன்:

ஷுஅபா (ரஹ்) அவர்களிடமிருந்து ஃகுன்தர் (ரஹ்), யஹ்யா (ரஹ்) ஆகியோர் வழியாக வரும் அறிவிப்பில் “அங்கத் தூய்மை கடமையாகும்” எனும் வாசகம் இடம்பெறவில்லை. (“உங்கள்மீது குளியல் கடமையாகாது” என்ற வாசகமே காணப்படுகிறது.)

அத்தியாயம் : 4

பாடம் : 35 அங்கத் தூய்மை செய்ய நண்பருக்கு உதவுதல்
182. முஃகீரா பின் ஷுஅபா (ரலி) அவர்கள் கூறியதாவது:

நான் ஒரு பயணத்தில் அல்லாஹ்வின் தூதர் (ஸல்) அவர்களுடன் இருந்தேன். அவர்கள் தமது (இயற்கைத்) தேவைக்காகப் புறப்பட்டுச் சென்றார்கள். (அவர்கள் திரும்பி வந்தபோது) அவர்களின் (கை கால்கள்)மீது நான் தண்ணீர் ஊற்றலானேன். அவர்கள் அங்கத் தூய்மை செய்தார்கள்.

அப்போது அவர்கள் தமது முகத்தையும் இரு கைகளையும் கழுவினார்கள். ஈரக்கையால் தலையைத் தடவி (மஸ்ஹு செய்திடலா)னார்கள். ஈரக்கையால் காலுறைகள்மீது தடவினார்கள் (காலுறைகளைக் கழற்றி கால்களைக் கழுவவில்லை).

அத்தியாயம் : 4

பாடம் : 37 (உணர்வை இழக்கச்செய்யும்) கடுமையான மயக்கம் ஏற்பட்டால் தான் (புதிதாக) அங்கத் தூய்மை செய்ய வேண்டும்.
184. அஸ்மா பின்த் அபீபக்ர் (ரலி) அவர்கள் கூறியதாவது:

(ஒரு முறை) சூரிய கிரகணம் எற்பட்டபோது நான் நபி (ஸல்) அவர்களின் துணைவியார் ஆயிஷா (ரலி) அவர்களிடம் சென்றேன். அப்போது மக்கள் நின்று தொழுதுகொண்டிருந்தனர். ஆயிஷா (ரலி) அவர்களும் நின்று தொழுதுகொண் டிருந்தார்கள். (தொழுகையிலிருந்த ஆயிஷா (ரலி) அவர்களிடம்) நான், “மக்களுக்கு என்ன நேர்ந்துவிட்டது?” என்று கேட்டேன். அதற்கு ஆயிஷா (ரலி) அவர்கள் (ஏதும் கூறாமல்) வானை நோக்கித் தமது கரத்தால் சைகை செய் தார்கள். (தொழுகையில் பேசக் கூடாது என்பதை உணர்த்துவதற்காக) ‘சுப்ஹானல் லாஹ்’ (அல்லாஹ் தூயவன்) என்று கூறினார்கள்.

“இது (ஏதாவது) அடையாளமா?” என்று கேட்டேன். அதற்கு ஆயிஷா (ரலி) அவர்கள் ‘ஆம்’ என்று தலையால் சைகை செய்தார்கள். உடனே நானும் (அவர் களோடு நீண்ட நெடிய அத்தொழுகையில்) நின்றுகொண்டேன். எந்த அளவுக் கென்றால் (நீண்ட நேரம் நின்றதால்) எனக்குக் கிறக்கமே ஏற்பட்டுவிட்டது. (கிறக்கம் நீங்க) என் தலைமீது தண்ணீரை ஊற்றலானேன்.

தொழுது முடித்ததும் அல்லாஹ்வின் தூதர் (ஸல்) அவர்கள் அல்லாஹ்வைப் போற்றிப் புகழ்ந்துவிட்டு, பின்வருமாறு கூறினார்கள்: எனக்கு இதுவரை காட்டப்பட்டிராத அனைத்தையும் இந்த இடத்தில் (தொழுகையில் இருந்தபோது) கண்டேன். சொர்க்கம், நரகம் உட்பட (அனைத்தையும் கண்டேன்). மேலும், எனக்கு (வஹீ) அறிவிக்கப்பட்டது: நிச்சயமாக நீங்கள் உங்கள் மண்ணறைகளில் (கப்றில்) ‘தஜ்ஜால்’ என்பவனுடைய சோதனைக்கு ‘நிகரான’ அல்லது ‘நெருக்கமான’ அளவுக்குச் சோதிக்கப்படுவீர்கள்.

-இதன் அறிவிப்பாளரான பாத்திமா பின்த் அல்முன்திர் (ரஹ்) கூறுகிறார்: (நிகரான/நெருக்கமான) இவற்றில் எந்த வாசகத்தை அஸ்மா (ரலி) அவர்கள் கூறினார்கள் என்பது எனக்குத் தெரியவில்லை.-

அப்போது (மண்ணறையிலிருக்கும்) உங்களில் ஒருவரிடம் (என்னைக் காட்டி), “இந்த மனிதரைப் பற்றி உமக்கு என்ன தெரியும்?” என்று (வானவர்களால்) கேட்கப்படும். அதற்கு ‘இறைநம்பிக்கையாளரோ’ அல்லது ‘உறுதி கொண்டவரோ’ -இவற்றில் அஸ்மா (ரலி) அவர்கள் எதைச் சொன்னார்கள் என்பது எனக்குத் தெரியவில்லை.- “அவர் அல்லாஹ்வின் தூதர் முஹம்மத் (ஸல்) அவர்கள் ஆவார்கள். அவர்கள் எங்களிடம் தெளிவான சான்றுகளையும் நல்வழியை யும் கொண்டுவந்தார்கள். நாங்கள் (அவர் களது அழைப்பை) ஏற்றுப் பின்பற்றி னோம்” என்று பதிலளிப்பார்.

அப்போது கேள்வி கேட்ட (வான)வர் களின் தரப்பிலிருந்து “நல்லபடியாக நீர் உறங்குவீராக! நீர் (இந்த இறைத்தூதரை ஏற்ற நல்ல) நம்பிக்கையாளராய் இருந்தீர் என்று நாங்கள் அறிந்திருந்தோம்” என்று கூறப்படும்.

‘நயவஞ்சகரோ’ அல்லது ‘சந்தேகப் பேர்வழியோ’ -இவற்றில் அஸ்மா (ரலி) அவர்கள் எதைச் சொன்னார்கள் என்று எனக்குத் தெரியவில்லை- “எனக்கு எதுவும் தெரியாது. மக்கள் எதையோ சொல்லக் கேட்டேன். அதையே நானும் சொன்னேன்” என்று கூறுவார்.23

அத்தியாயம் : 4

பாடம் : 39 இரு கால்களையும் கணுக்கால் கள்வரை கழுவுதல்
186. யஹ்யா அல்மாஸினீ (ரஹ்) அவர்கள் கூறியதாவது:

அம்ர் பின் அபீஹசன் (ரஹ்) அவர் களுடன் (ஒரு நாள்) நான் இருந்தேன். அவர்கள் அப்துல்லாஹ் பின் ஸைத் (ரலி) அவர்களிடம் நபி (ஸல்) அவர்கள் செய்த அங்கத் தூய்மை பற்றிக் கேட்டார்கள். அப்போது அப்துல்லாஹ் பின் ஸைத் (ரலி) அவர்கள் ஒரு கல் பாத்திரத்தில் தண்ணீர் கொண்டுவரச் சொல்லி, நபி (ஸல்) அவர்கள் செய்ததைப் போன்று அங்கத் தூய்மை செய்துகாட்டினார்கள்:

(ஆரம்பமாக) பாத்திரத்திலிருந்த தண்ணீரைத் தமது கையில் ஊற்றி மூன்று முறை கைகளைக் கழுவினார்கள். பின்னர் தமது கையைப் பாத்திரத்தில் நுழைத்து மூன்று முறை தண்ணீர் அள்ளி வாய்கொப்புளித்து மூக்கிற்குள் நீர் செலுத்திச் சிந்தினார்கள். மீண்டும் தமது கையைப் பாத்திரத்தில் நுழைத்து மூன்று முறை முகத்தைக் கழுவினார்கள். பின்னர் தம் இரு கைகளையும் முழங்கைவரை இரு முறை கழுவினார்கள்.

பின்னர் கையை (பாத்திரத்தில்) நுழைத்து (ஈரக் கையால்) தமது தலையைத் தடவினார்கள். (அதாவது) இரு கைகளையும் முன் தலையில் வைத்து பின்னால் கொண்டுசென்றார்கள். அப்படியே பின்னாலிருந்து முன் பகுதிக்கு (ஆரம்பித்த இடத்திற்கே) கொண்டுவந்தார்கள். இவ்வாறு ஒரு தடவை மட்டுமே செய்தார்கள் (மூன்று தடவை செய்யவில்லை). பின்னர் தம் கால்களை கணுக்கால்கள்வரை கழுவினார்கள்.

அத்தியாயம் : 4

பாடம் : 40 மக்கள் அங்கத் தூய்மை செய்து விட்டு வைத்த மீதித் தண்ணீ ரைப் பயன்படுத்துதல் ஜரீர் பின் அப்தில்லாஹ் (ரலி) அவர்கள், தாம் பல் துலக்கிவிட்டு மீதி வைத்த தண்ணீரில் அங்கத் தூய்மை செய்ய தம் வீட்டாரை அனுமதித்தார்கள்.
188. அபூமூசா அல்அஷ்அரீ (ரலி) அவர்கள் கூறியதாவது:

(ஜிஉரானா எனுமிடத்தில் நானும் பிலாலும் இருந்துகொண்டிருந்தபோது) நபி (ஸல்) அவர்கள், தண்ணீர் (குறைவாக இருந்த) குவளையைக் கொண்டுவரச் சொன்னார்கள். அதில் தம் இரு கைகளையும் தமது முகத்தையும் கழுவிவிட்டு, அதனுள் (தமது வாயிலிருந்த) தண்ணீரை உமிழ்ந்தார்கள். பிறகு எங்கள் இருவரிடமும், “இதிலிருந்து சிறிது பருகிவிட்டு, உங்கள் முகத்திலும் கழுத்திலும் ஊற்றிக்கொள்ளுங்கள்” என்று சொன்னார்கள்.


அத்தியாயம் : 4

பாடம்
190. சாயிப் பின் யஸீத் (ரலி) அவர்கள் கூறியதாவது:

என் சிறிய தாயார் என்னை நபி (ஸல்) அவர்களிடம் அழைத்துச்சென்று, “அல்லாஹ்வின் தூதரே! என் சகோதரி மகன் (இரு பாதங்களில்) நோய் கண்டுள்ளான்” என்று சொன்னார்கள். அப்போது நபி (ஸல்) அவர்கள் (பரிவுடன்) எனது தலையை வருடிக்கொடுத்து, எனது நலனுக்காகப் பிரார்த்தித்தார்கள்.

பின்னர் நபி (ஸல்) அவர்கள் அங்கத் தூய்மை செய்தார்கள். அவர்கள் அங்கத் தூய்மை செய்துவிட்டு மீதி வைத்த தண்ணீரில் சிறிதளவை நான் அருந்தி னேன்.

பிறகு நபி (ஸல்) அவர்களின் முதுகுக் குப் பின்னால் நின்று, அவர்களுடைய இரு தோள்களுக்கிடையே இருந்த நபித்துவ முத்திரையை நான் பார்த்தேன். அது ஒரு மணவறைத் திரையில் பொருத் தப்படும் பித்தானைப் போன்றிருந்தது.

அத்தியாயம் : 4