பாடம் : 4 இறப்புச் செய்தியை ஒருவர் (ஆளனுப்பாமல்) தாமே உரியவர்களுக்கு அறிவித்தல்
1245. அபூஹுரைரா (ரலி) அவர்கள் கூறியதாவது:

நபி (ஸல்) அவர்கள், (அபிசீனிய மன்னர் நஜாஷீ (நீகஸ்) இறந்த அன்றே அவரது மரணச் செய்தியை (மக்க ளுக்கு) அறிவித்தார்கள். பிறகு தொழும் திடலுக்குப் புறப்பட்டுச் சென்று மக்களை வரிசைப்படுத்தி நிற்கவைத்து, நான்கு தக்பீர்கள் கூறி (ஜனாஸா தொழுகை நடத்தி)னார்கள்.


அத்தியாயம் : 23

பாடம் : 5 இறுதி (ஜனாஸா) தொழுகையை(த் தலைவருக்கு) அறிவித்தல் “நீங்கள் (ஜனாஸா தொழுதபோது) எனக்குத் தகவல் அளித்திருக்கக் கூடாதா” என நபி (ஸல்) அவர்கள் (ஒரு முறை) கேட்டார்கள் என அபூஹுரைரா (ரலி) அவர்கள் கூறுகிறார்கள்.7
1247. இப்னு அப்பாஸ் (ரலி) அவர்கள் கூறியதாவது:

(நோயுற்றிருந்த) ஒருவரை நபி (ஸல்) அவர்கள் வழக்கமாக நலம் விசாரிப்ப வர்களாக இருந்தார்கள். ஒரு நாள் இரவு அவர் இறந்துவிட்டார். அவரை மக்கள் இரவிலேயே அடக்கம் செய்து விட்டனர். மறுநாள் காலையில் நபி (ஸல்) அவர்களுக்கு இச்செய்தியை மக்கள் தெரிவித்ததும், “இதை அப் போதே எனக்கு நீங்கள் அறிவிக்காத தன் காரணமென்ன?” என்று கேட் டார்கள்.

அதற்கு மக்கள், “கடுமையான இருள் சூழ்ந்த இரவு நேரமாக இருந்ததால் உங்களுக்குச் சிரமம் கொடுக்க நாங்கள் விரும்பவில்லை” என்றனர். உடனே நபி (ஸல்) அவர்கள், அவரது அடக்கத் தலத்திற்கு (கப்று) வந்து இறுதித் தொழுகை தொழுவித்தார்கள்.8

அத்தியாயம் : 23

பாடம் : 6 தம் குழந்தை இறந்தும் பொறுமையுடன் இறைவெகுமதியை எதிர்பார்ப்பவரின் சிறப்பு அல்லாஹ் கூறுகின்றான்: பொறுமை யாளர்களுக்கு (நபியே!) நீர் நற்செய்தி கூறுவீராக! (2:155)
1249. அபூசயீத் அல்குத்ரீ (ரலி) அவர்கள் கூறியதாவது:

பெண்கள் நபி (ஸல்) அவர்களிடம் (வந்து), “எங்களுக்கும் ஒரு நாள் (உபதேசத்திற்காக) ஒதுக்குங்களேன்” எனக் கேட்டுக்கொண்டார்கள். அவ் வாறே நபி (ஸல்) அவர்கள், பெண் களுக்கு ஒரு நாள் (ஒதுக்கி) உபதேசம் செய்தார்கள்.

அதில் “ஒரு பெண்ணுக்கு மூன்று குழந்தைகள் இறந்துவிட்டால், அவர்கள் அப்பெண்ணை நரகத்திலிருந்து காக்கும் திரையாக இருப்பார்கள்” என்று கூறினார்கள். ஒரு பெண், “இரு குழந்தைகள் இறந்தால்...?” எனக் கேட்டார். அதற்கு நபி (ஸல்) அவர்கள் “இரு குழந்தைகள் இறந்தாலும்தான்” என்றார்கள்.


அத்தியாயம் : 23

பாடம் : 6 தம் குழந்தை இறந்தும் பொறுமையுடன் இறைவெகுமதியை எதிர்பார்ப்பவரின் சிறப்பு அல்லாஹ் கூறுகின்றான்: பொறுமை யாளர்களுக்கு (நபியே!) நீர் நற்செய்தி கூறுவீராக! (2:155)
1251. நபி (ஸல்) அவர்கள் கூறி னார்கள்:

ஒரு முஸ்லிமுடைய மூன்று குழந் தைகள் இறந்துவிட்டால், (எல்லாருமே நரகத்தைக் கடந்து சென்றாக வேண்டும் என்ற) சத்தியத்தை நிறைவேற்றும் வகையில், அந்த நேரம் மட்டுமே தவிர (வேறு சமயத்தில்) அவர் நரகத்தின் பக்கம் செல்லவேமாட்டார்.

இதை அபூஹுரைரா (ரலி) அவர்கள் அறிவிக்கிறார்கள்.

அபூஅப்தில்லாஹ் (புகாரீ ஆகிய நான்) கூறுகிறேன்: (சத்தியத்தை நிறைவேற்றல் என்பது,) “உங்களில் யாரும் அ(ந்த நரகத்)தைக் கடக்காமல் இருக்க இயலாது” (19:71) எனும் வசனத்தைக் குறிக்கிறது.

அத்தியாயம் : 23

பாடம் : 8 இலந்தை இலை கலந்த நீரால் சடலத்தை நீராட்டி அங்கத் தூய்மை (உளூ) செய்வித்தல் சயீத் பின் ஸைத் (ரலி) அவர்களு டைய மகன் இறந்ததும் சடலத்துக்கு இப்னு உமர் (ரலி) அவர்கள் நறுமணம் பூசி அவரைச் சுமந்து சென்றார்கள். (இதன் காரணமாக உளூ முறிந்துவிடாத தால் புதிதாக) அங்கத் தூய்மை செய்யாம லேயே இறுதித் தொழுகை நடத்தி னார்கள்.10 முஸ்லிம் உயிருடனிருக்கும்போதும் இறந்துவிட்ட பிறகும் அசுத்தமாவ தில்லை என இப்னு அப்பாஸ் (ரலி) அவர்கள் கூறினார்கள். (இறந்துவிட்ட முஸ்லிம்) அசுத்தம் என்றிருந்தால் நான் அந்தச் சடலத்தைத் தொட்டிருக்கமாட்டேன் என சஅத் பின் அபீவக்காஸ் (ரலி) அவர்கள் கூறி னார்கள். மேலும், “இறைநம்பிக்கை யாளர் அசுத்தமாவதில்லை” என நபி (ஸல்) அவர்கள் கூறியுள்ளார்கள்.
1253. உம்மு அ(த்)திய்யா (ரலி) அவர்கள் கூறியதாவது:

அல்லாஹ்வின் தூதர் (ஸல்) அவர்கள் தம் புதல்வி இறந்தபோது எங்களிடம் வந்து, “அவரை இலந்தை இலை கலந்த நீரால் மூன்று அல்லது ஐந்து முறை, தேவையெனக் கருதினால் அதற்கு அதிகமான தடவைகள் நீராட்டுங்கள்; இறுதியில் ‘கற்பூரத்தை’ அல்லது ‘கற்பூரத்தில் சிறிதளவை’ச் சேர்த்துக்கொள்ளுங் கள்; நீராட்டி முடித்ததும் எனக்கு அறிவியுங்கள்” எனக் கூறினார்கள்.

நாங்கள் நீராட்டி முடித்ததும் நபியவர்களுக்கு அறிவித்தோம். அவர்கள் வந்து தமது கீழாடையைத் தந்து, “இதை அவரது உடலில் சுற்றுங்கள்” எனக் கூறினார்கள்.11

அத்தியாயம் : 23

பாடம் : 10 (நீராட்டுதலை) சடலத்தின் வலப் புறத்திலிருந்து ஆரம் பித்தல்
1255. உம்மு அ(த்)திய்யா (ரலி) அவர்கள் கூறியதாவது:

நபி (ஸல்) அவர்களது மகளை நீராட்டும்போது, “அவரது வலப் புறத் திலிருந்தும் அங்கத் தூய்மை செய்ய வேண்டிய பகுதியிலிருந்தும் ஆரம்பி யுங்கள்” என்று அல்லாஹ்வின் தூதர் (ஸல்) அவர்கள் கூறினார்கள்.

அத்தியாயம் : 23

பாடம் : 12 ஆணின் கீழாடையால் பெண்ணுக்கு ‘கஃபன்’ இடலாமா?
1257. உம்மு அ(த்)திய்யா (ரலி) அவர்கள் கூறியதாவது:

நபி (ஸல்) அவர்களின் மகள் இறந்த தும் அவர்கள், “அவரை மூன்று, அல்லது ஐந்து, அல்லது நீங்கள் தேவை யெனக் கருதினால் அதற்கும் அதிக மான தடவைகள் நீராட்டுங்கள்; நீராட்டி முடித்ததும் எனக்குத் தெரிவியுங்கள்” என்று எங்களிடம் கூறினார்கள்.

நீராட்டி முடித்து அவர்களுக்குத் தெரிவித்ததும் தமது இடுப்பிலிருந்து கீழாடையைக் களைந்து, “இதை அவரது உடம்பில் சுற்றுங்கள்” என்று கூறி னார்கள்.

அத்தியாயம் : 23

பாடம் : 13 (சடலத்தை நீராட்டும்போது) கடைசியில் கற்பூரத்தைப் பயன் படுத்துதல்
1259. உம்மு அ(த்)திய்யா (ரலி) அவர்கள் கூறியதாவது:

“அவரை மூன்று அல்லது ஐந்து அல்லது ஏழு அல்லது நீஙகள் தேவை யெனக் கருதினால் அதற்கும் அதிக மான தடவைகள் நீராட்டுங்கள்” என்று நபி (ஸல்) அவர்கள் கூறினார்கள்.

நாங்கள் அந்தச் சடலத்தின் தலை (முடி)யில் மூன்று பின்னல்களை முடிந்தோம் என உம்மு அ(த்)திய்யா (ரலி) அவர்கள் கூறியதாக ஹஃப்ஸா பின்த் சீரீன் (ரஹ்) அவர்கள் தெரி வித்தார்கள்.

அத்தியாயம் : 23

பாடம் : 15 (பெண்) சடலத்தின் உடம்பில் துணியைச் சுற்றுவது எப்படி? (சவக்கோடியின்) ஐந்து துணிகளில் ஒன்றால் மேலாடைக்கு உள்ளே தொடைகளையும் இடுப்பையும் கட்ட வேண்டும் என ஹசன் அல்பஸ்ரீ (ரஹ்) அவர்கள் கூறுகிறார்கள்.
1261. இப்னு சீரீன் (ரஹ்) அவர்கள் கூறியதாவது:

(நபி (ஸல்) அவர்களிடம்) உறுதி மொழிப் பிரமாணம் அளித்திருந்த அன் சாரிப் பெண்மணி உம்மு அ(த்)திய்யா (ரலி) அவர்கள் தம் மகனைக் காண்பதற் காக பஸ்ராவுக்கு வந்தார். மகனைச் சந்திக்க முடியவில்லை.

அப்போது அவர் எங்களிடம் கூறியதாவது: நபி (ஸல்) அவர்களின் மகளை நாங்கள் நீராட்டிக்கொண்டி ருந்தபோது அங்கு வந்த நபி (ஸல்) அவர்கள், “சடலத்தை மூன்று அல்லது ஐந்து அல்லது நீங்கள் தேவையெனக் கருதினால் அதற்கும் அதிகமான தடவைகள் இலந்தை இலை கலந்த தண்ணீரால் நீராட்டுங்கள்; கடைசியில் கற்பூரத்தைச் சேர்த்துக்கொள்ளுங்கள்; நீராட்டி முடித்ததும் எனக்குத் தெரிவி யுங்கள்” எனக் கூறினார்கள்.

நீராட்டி முடித்ததும் எங்களிடம் தமது கீழாடையைத் தந்து, “இதை அவரது உடலில் சுற்றுங்கள்” என்று கூறி னார்கள்.

இதற்கு அதிகமாக இப்னு சீரீன் (ரஹ்) அவர்கள் எதையும் அறிவிக்கவில்லை. (அவருடைய சகோதரி ஹஃப்ஸா, இதைவிடக் கூடுதல் தகவல் அறிவித்துள்ளார்.)

“நபி (ஸல்) அவர்களின் புதல்வியரில் இவர் யார் என்பது எனக்குத் தெரிய வில்லை” என்று அறிவிப்பாளர் அய்யூப் (ரஹ்) அவர்கள் கூறுகிறார்கள். மேலும், ‘உடலில் சுற்றுதல்’ என்பதே (மூலத்தில் இடம்பெற்றுள்ள) ‘இஷ்ஆர்’ என்பதன் பொருளாகும் என்று அய்யூப் (ரஹ்) அவர்கள் கருதுகிறார்கள்.

பெண் சடலத்துக்கு இடுப்பில் துணியைக் கட்டத் தேவையில்லை; ஆயினும், (உடம்பில்) சுற்ற வேண்டும் என்றே இப்னு சீரீன் (ரஹ்) அவர்கள் கட்டளையிட்டு வந்தார்கள்.

அத்தியாயம் : 23

பாடம் : 17 பெண் சடலத்தின் முடி பின் புறம் தொங்கவிடப்படும்.
1263. உம்மு அ(த்)திய்யா (ரலி) அவர்கள் கூறியதாவது:

நபி (ஸல்) அவர்களின் புதல்வியரில் ஒருவர் இறந்துவிட்டதும் நபி (ஸல்) அவர்கள் எங்களிடம் வந்து, “சடலத்தை இலந்தை இலை கலந்த நீரால் மூன்று அல்லது ஐந்து அல்லது நீங்கள் தேவை யெனக் கருதினால் அதற்கும் அதிகமாக ஒற்றைப்படையாக நீராட்டுங்கள். கடைசி யில் ‘கற்பூரத்தை’ அல்லது ‘கற்பூரத்தில் சிறிதளவை’ச் சேர்த்துக்கொள்ளுங்கள். நீராட்டி முடித்ததும் எனக்குத் தெரிவியுங்கள்” எனக் கூறினார்கள்.

நீராட்டி முடித்து தெரிவித்ததும் தமது கீழாடையை (சடலத்தில் சுற்றுவதற்காக) எங்களிடம் தந்தார்கள். மேலும், நாங்கள் சடலத்தின் முடியை மூன்று சடைகளாகப் பின்னி அதைச் சடலத்தின் முதுகுப் புறமாகப் போட்டு வைத்தோம்.

அத்தியாயம் : 23